9-то издание на меѓународниот фестивал на етнографски филм - ЕТНОФФ

Детали

четврток, 21 септември 2023

На 22ри и 23ти септември во Кинотека на Македонија со почеток од 19ч ќе се оддржи 9то издание на фестивалот за етнографски филм „ЕТНОФФ“. Овој фестивал, кој започна со студентски ентузијазам, веќе девет години ни носи различни приказни од целиот свет.

На овогодинешното издание ќе можат да се видат 10 филмови од Португалија, Белгија, Унгарија, Холандија, Бугарија, Азербејџан, Словенија, Македонија, а програмата ќе ја надополни и изложбите на Центарот за Интердисциплинарни Активности 2023: „Извор“ – изложба на аналогна црно бела фотографија на Сара Луческа, „Фрекфенции“ – изложба во техника марбл инк, акварел и акрил на Марина Рмуш и „Време“ – колекција на фотографии на Ангела Здравковска.

На 23ти (сабота) со почеток во 19ч ќе се оддржи предавање на Билјана Јуруковски Миленковска македонско-австралиска фотографка чии дела се објавувани во National Geographic и други престижни списанија, а ја регистрираат културата и секојдневниот живот на помалку познати заедници од светот, како народот Сури од Африка.

Важно: Влезот е бесплатен.

Во продолжение ви ја претставуваме програмата:

22.09.2023 (петок)

19ч. ОТВОРАЊЕ НА НАСТАНОТ *

Поздравен говор на член од Македонското студентско етнолошко друштво

19:15 ПРОЕКЦИЈА НА ФИЛМОВИ ПРАШИНА- Каја Ракушчек (Словенија)

AШК(ЉУБОВ)- Владимир Андонов (Бугарија)

ЖИВЕЕМЕ СО МОЖЕБИ: ПОТРАГА ПО ИСЧЕЗНАТИТЕ ФАМИЛИИ ВО ПОСТ-ВОЕН АЗЕРБЕЈЏАН - Лејла Јафарова (Азербејџан)

НАСЛЕДЕНИ ЗАНАЕТИ - Осман Јусеинов (Бугарија)

21:30 ФРАГМЕНТИ

ЗВУКОТ НА ЗАНАЕТЧИСТВОТО- Филм произлезен од минатогодишната работилница за снимање на етнографски филмови во рамки на Меѓународниот фестивал на етнографски филм ЕТНОФФ 8 во организација на Македонското студентско етнолошко друштво (МСЕД).

Предавачи: Кирил Каракаш и Светислав Подлешанов.

ХАЛА/ КРАТОК ЕКСПЕРИМЕНТАЛЕН ФИЛМ- филмот е направен како дел од работилницата за експериментален филм на 2. Центар за интердисциплинарни активности, 2023 година.

ИЗЛОЖБА: Центар за интердисциплинарни активности 2023

23.09.2023 (сабота)

19:00 Предавање на Билјана Јуруковски, светски етаблиран фотограф чии фотографски експедиции ја однесоа во различни делови на светот, доловувајќи ја суштината на човештвото и расветлување на ретко посетените заедници.

20:00 ПРОЕКЦИЈА НА ФИЛМОВИ

ВРАЌАЊЕ КОН ДОМОТ ОД ДЕТСТВОТО ПРЕД ПОСЛЕДНОТО ЗБОГУВАЊЕ - Андре Алмеида Родригез (Португалија)

П.И.М- Валентин Ангел ( Романија)

СЕЛОТО ДАВА ОТПОР- Давид Берт Јорис Дерт (Белгија)

СРЕЌНИОТ ТЕЖОК ЖИВОТ НА PSYCLEAN CREW - Фондација The Psyclean crew (Унгарија) и Studio Manok Maakt (Холандија)