Ја испеа „Бисер балкански“, му посвети песна на Тоше: Жељко Самарџиќ воодушеви на концертот во Скопје

Детали

недела, 14 април 2024

„Јас секој ден зборувам по малку македонски, многу ја сакам Македонија“, рече на концертот во Скопје Жељко Самарџиќ и ги испеа „Елено ќерко“ и „Бисер балкански“. А потоа ја изненади публиката и ги најави Бора Чорба и Калиопи.

Жељко Самарџиќ вчеравечер (13.04) одржа маестрален концерт во арената „Борис Трајковски“ во Скопје. Беше пречекан и испратен со овации и уште еднаш покажа зошто е меѓу омилените регионални музичари кај нас.

Концертот почна со настапот на Жаре Бербер и неговиот бенд, кои ја загреаја атмосферата.

По нив на сцената излезе Жељко, кој од првиот момент ги крена сите на нозе. Ги пееше своите најголеми хитови, а потоа испеа и две македонски песни „Бисер балкански“ и „Елено ќерко“.

„Јас секој ден зборувам по малку македонски, многу ја сакам Македонија“, кажа тој.

Му посвети песна и на Тоше Проески, кој беше негов пријател, па ја испеа „Ako odeš“.

„На секој концерт пеам по една песна за Тоше. Тоше, ако нè гледаш, ова е за тебе“, рече Самарџиќ.

Зборуваше и за сопругата, па кажа дека се веќе 46 години во брак.

Од посетителите во еден момент побара да ги вклучат блицовите на телефоните за тој да направи фотка со која засекогаш ќе се сеќава на оваа вечер.

Но, тука не завршија изненадувањата. Среде концерт, Жељко го најави настапот на Бора Ѓорѓевиќ.

Фронтменот на „Рибља чорба“ ги испеа „ Avionu slomiću ti krila“, „Kad sam bio mlad“ и „Kada padne noć“.

Продолжува на следната страница...