Атанас и Тино го најавија новиот стенд-ап, па добија плакети од МОК за најмногу предизвикани насмевки

Детали

четврток, 06 ноември 2025

Денеска во спортскиот центар Јане Сандански во Скопје се одржа прес конференција на која беше најавен новиот стенд-ап проект на Атанас Атанасовски и Валентин Тино Костадиновски, „На линија“.

Местото за средбата со новинарите не беше избрано случајно - токму таму на 21 и 23 ноември, Тино и Атанас повторно ќе излезат пред скопската публика за да ги насмеат и расположат со новиот материјал, а на кој работеа во изминатите месеци.

Изненадување за нив беа плакетите од МОК - Признание за најмногу предизвикани насмевки и рекорден број распродадени настани во спортскиот центар „Јане Сандански“.

Овие плакети им ги врачија претстедателот на МОК, Даниел Димевски, и секретарот на МОК, Ѓорѓи Тасев.

На прес-конференцијата, ни тие, ни организаторите ticketx.com.mk не открија детали за новиот стенд-ап, но ветија дека ќе биде забавно и во нивни стил - што е рецепт за одлична забава и смеење неколку часа.

Специјални гости ќе бидат актерите Антонио Ташковски (1Човек) и Александар Михајловски (Син на Мајка).