Зимска магија, улична храна и врвна музика на Winter Festival пред СЦ „Борис Трајковски“

Детали

вторник, 23 декември 2025

(Скопје, 23.12.2025) Од 24 до 28 декември, просторот пред СЦ „Борис Трајковски“ ќе се претвори во вистинска празнична сцена исполнета со вкусна улична храна, богата музичка програма и зимска атмосфера за сите генерации. WINTER FESTIVAL носи градска предновогодишна дружба каква што Скопје одамна посакува.

Посетителите ќе имаат можност да уживаат во внимателно одбрани street food брендови, меѓу кои: Jojo’s, Sorelle, Destan, Milkey, Oljo’s, La Pizza, Smash Burger, Crash Bar, Burger Slut и Moe Пиле, кои ќе понудат разновидна гастрономска понуда инспирирана од светската и локалната кујна. Настаните започнуваат од 18ч. И ќе траат до полноќ, а викендите од 12ч.

Фестивалот ќе биде збогатен со динамична музичка програма, со настапи на бендови, диџеи и артисти кои ќе се грижат за празничната енергија секоја вечер. Публиката ќе ужива во настапите на The Ringtones, Kuku Lele, DUO DIS, Breakdown Band, Васил Ангелов со бенд, како и сетови од DJ Ivan, DJ Guardian, DJ Omimann, DJ Ficho, DJ Tina Mickovska, DJ Foodieman, DJ Mats, DJ Freeky, DJ Tami, DJ Bono, заедно со Break a Leg и Funanimation.

Со празнични декорации, зимска атмосфера и програма за сите возрасти, WINTER FESTIVAL е идеално место за дружење со семејството, пријателите и колегите во пресрет на новогодишните празници.

Влезот е слободен, а фестивалот е отворен за сите љубители на добра храна, музика и празнично расположение.

WINTER FESTIVAL – местото каде градот слави заедно.