Емина Јаховиќ направи шоу во Скопје - Стил како Мерилин Монро, шеташе низ сала и се поклони на публиката

Детали

петок, 15 мај 2026

Кулминација на концертот беше кога почна да раскажува анегдота како ја добила песната „Дал она зна“, а публиката почна да пее на цел глас на првите отсвирени ноти, дури и пред самата Емина да запее.

Емина Јаховиќ вчеравечер го одржа својот прв концерт во Македонија по повеќе од 20 години кариера.

А публиката, се чини, беше желна да ја види во живо, па во преполната сала на Филхармонија, од втората песна застана на нозе и не престана да игра и пее со неа.

Концертот на Емина почна со баладата „Узалуд се трудим“, која, всушност и ја прослави. Пред да почне да пее, таа се поклони пред публиката во знак на благодарност што се тука.

Излезе облечена во долг розов фустан, во стилот на Мерилин Монро додека ја пее Diamonds are Girl's Best Friends и воодушеви со изгледот.

А по првата песна, атмосферата се разгоре и скоро и да немаше човек што барем еднаш не стана и не заигра додека се нижеа хитовите од нејзините албуми, но на изненадување на многумина ги испеа и „Југословенка“ од Лепа Брена и „Кремен“ од Дино Мерлин.

Не ги пропушти ни дуетските песни со Мерлин, Жељко Јоксиновиќ, Саша Ковачевиќ.

И додека ја пееше дуетската песна со Саша, слезе во публика и направи еден голем круг низ салата - пееше и се фотографираше со публиката, позираше за нив, со неколкумина се прегрна и не ја криеше среќата.

„Јас не зборувам многу на моите концерти, но мора да ви кажам дека ми го наполнивте срцево, душава, ова е преубава вечер. Ве сакам“, рече Емина.

Кулминација, сепак беше кога почна да раскажува анегдота како ја добила песната „Дал она зна“, а публиката почна да пее на првите ноти, дури и пред Емина да запее.

Оваа песна ја испеа и на крајот на концертот, со порака сите да се сакаат, да ги отворат срцата за нова љубов (ако се сингл) и да бидат среќни.

Организатор на концертот на Емина е Евентум.

Погледнете видео од атмосферата во салата:

Повеќе фотографии од концертот на следната страница...