„Бевме на Лазаров наградите 2026 - Игор Џамбазов ѝ пееше на Миа Костова, Стефан ја крена во раце Благица Павловска“

Лазаров во текот на вечерта славеше дека не заврнало на црвен тепих, па во име на тоа Џамбазов отпеа и песна. Заврна дури подоцна во текот на вечерта, кога сите беа внатре.

На сцената го видовме и Наим од Преспав, односно актерот Адријан Назири, а награда за најдобра претстава доби „Аматери“ од Театар Комедија.

Еден од кулминативните мигови на вечерта беше кога Џамбазов ѝ пееше песна на Миа седнат на скали со зборови: „Миа понекогаш си змија за сите ботови и скотови, за мене си терапија, за други скропија“...

Тој на Миа ѝ ја додели наградата „Инфлуенсерка на годината“.

Миа при говорот изрази благодарност до својот син Андрија, кој пред 14 години со своето раѓање ја направил личноста што е денес и на нејзината Тијана, која секоја нејзина идеја ја претвора во реалност.

Награда за „артисти на годината“ добија 2 Бона, а за „фолк пејач на годината“ Влатко Миладиноски, кој ја крена публиката на нозе, а во еден миг се качи и на два тапани.

Јован Јованов и Елвир Мекиќ настапија и му доделија уште една награда на Јанг Дади за „најдобар млад артист“.

И, на крај, наградата за хит на годината им припадна на Дупер за „Може, може, може“.

На крајот од вечерта Стефан Лазаров додели автомобил.

Ноќ на насмевки, гламур, признанија, музика и смеа... Потребни ни се вакви настани!

Повеќе фотографии на следната страница...