Мотоклубот “Потфат“ слави 18 години од постоење

Детали

четврток, 16 јуни 2016

Мотоклубот “Потфат“ по повод 18 години од постоење, ја организира веќе препознатливата “Hill Party” журка во нивниот клубхаус на Средно Водно од 17 и 18 јуни.  Овој мото собир е од отворен карактер со цел да се сподели убавото расположение по повод полнолетството на клубот како и мото културата со сите поддржувачи и мото-ентузијасти.

Во наредните два дена сите посетители ќе имаат можност да уживаат во добра атмосфера проследена со квалитетна рок музика и храна и пијалок по пристапни цени. На овој настан се очекуваат и голем број на мотоциклисти од цела Европа за кој е обезбеден бесплатен кампинг простор од страна на клубот.

Програма:

Петок (17.6.2016)

1 - P. M.S.

2 - Back Door Band

Сабота (18.6.2016)

1 - Red House

2 - ТОА Е ТОА

3 - Eruption

POTFAT MC (PMC) е формиран во Гевгелија во 1998 година од група истомисленици составена од бајкери од Скопје и Гевгелија. POTFAT MC е воедно и првиот Македонски бек печ (back patch) MC, што значи првиот вистински MC формиран целосно според западни стандарди и правила на MC (клубовите), и воедно првиот Македонски клуб кој носи троделни клубски бои на задниот дел на елеците, правило за сите членови на клубот. Денеска PMC има два чептера,PMC “Мајчински Чeптер” (Mother Chapter) - Скопје и Chapter - Струмица. Клубот е активен преку целата година и во најразлични хуманитарни акции и блиску соработува со Црвен Крст на Република Македонија.