Отворање на јубилејните 60-ти Денови на македонска фотографија на 1 октомври во Скопје

Детали

среда, 28 септември 2022

Фото сојуз на Македонија ве поканува на отворањето на јубилејните 60-ти Денови на македонска фотографија на 1 октомври (сабота) во Културно информативниот центар – КИЦ во Скопје, со почеток од 19:30 часот.

На изложбата ќе можат да се погледнат сите 101 примени и 28 наградени фотографии, одбрани од стручното фотографско жири, Боро Рудиќ, Цветан Гавровски и Владимир Арсовски. Доделувањето на наградите ќе биде во склоп на отворањето на изложбата.

Исто така оваа година ќе имате можност за првпат да погледнете проекција на фотографии од македонски автори во период од 1940-1980 година. Меѓу застапените автори се великаните на македонска фотографија: Благоја Дрнков, Живко Јаневски, Александар Цветиновски, Лазо Величковски, Владимир Плавевски, Роберт Јаки и други.

Изложбата оваа година е дел од манифестацијата Бела Ноќ и е поддржана од Министерство за култура како проект од национален интерес.

Ве очекуваме.