Фестивал на џез, world и современа музика од 1 до 13 септември во Велес

Детали: среда, 30 август 2023

Оваа година, “АРТ ГЕНЕРАТОР” со делегирана надлежност од Општина Велес е организатор на фестивалот за “Џез, World и Современа музика” по втор пат. Фестивалот е основан и финансиран од Општината.

festival-na-dzhez-vorld-i-sovremena-muzika-od-1-do-13-septemvri-vo-veles-01.jpg

Фестивалот ќе трае 5 дена од 01-ви до 13-ти септември. На наша голема среќа уште второто издание станува интернационално. Ќе настапуваат групи од Хрватска, Грција, со гости од Германија, Австралија и се разбира Македонија.

Првата вечер на (01.09. 2023 год.) е предвидена за Jazz музика, настапуваат “Reel Problems” од Хрватска на големата сцена во театар Ј.Х.К Џинот - Велес, со почеток во 20:00 часот.

По завршувањето на концертот, на паркингот на театар Џинот – Велес ќе настапи Бојан Чакра со DJ Vinyl set кој ќе биде пропратен со видео мапинг на Борче Конзулов.

Втората вечер (02.09. 2023 год) е посветена на современата музика, настапуваат “КЕМ” и “Пијан Славеј” на големата сцена во театар Ј.Х.К Џинот - Велес, со почеток во 20:00 часот. По завршувањето на концертите, на паркингот на театар Ј.Х.К Џинот – Велес ќе настапи Андреја Салпе со DJ set, кој ќе биде пропратен со видео мапинг на Борче Конзулов.

Третата вечер (03.09. 2023 год) е посветена на 80 годишнина од смртта на великанот на Велес, Коста Солев Рацин.

Ќе има концерт на Dine Doneff: “Dine Doneff Nered music Trilogie” од Грција во три етапи. Првиот дел ќе се одржи во спомен Костурницата во Велес, со почеток 18:00 часот.

Следните две етапи се на големата сцена во театар Ј.Х.К Џинот - Велес, со почеток во 20:00 часот.

По завршувањето на концертот, на паркингот на театар Џинот – Велес ќе настапат: “Aspirin Moon” музичко дуо со слем поетри, кои ќе бидат пропратени со визуелен перформанс на театар “Сенки и Облаци”.

Четвртата вечер (06.09.2023 год) е резервирана за отворање на изложба на Фотини Потамиа и концерт на Бојан Петков - Шамба во Europe House Велес.

(13.09.2023 год.) Затворање на изложбата и концерт на Dine Doneff и Јордан Костов во Europe House Велес.

За целокупниот графички дизајн на фестивалот и оваа година се погрижи уметникот Филип Коруновски.

Со организирање на овој фестивал, имаме за цел да придонесеме децентрализација и деметрополизација на културата и уметноста и пласман на квалитетни соджини и затоа сметаме дека овој фестивал е од исклучителна важност за Велес.

Спонзори и помагатели: Tеатар Ј.Х.К Џинот – Велес, Делта - Пром, Europe House, Симит Петрол, РСТ Електрика, Агриа, Infinity Graphics, Printline Pro, Skill Up, Under Consultingß

Повеќе информации на: Јутјуб,Фејсбук, Инстаграм