Ладна ве носи во Дизниленд, Париз: Започнува јубилејниот 10-ти детски ликовен конкурс

Детали

петок, 23 февруари 2024

Децата сакаат да цртаат бидејќи тоа е нивна можност да создадат сопствен свет, кој тие го замислиле и тие ќе го обојат баш онака како што сакаат. Секоја година, Ладна ги наградува креативните и талентирани детски уметнички глави, а тоа ќе биде случај и оваа година, затоа што започнува јубилејниот 10ти ликовен конкурс за деца.

Оваа година, Ладна реши да не ги ограничува малите уметници и затоа темата е слободна. Може да нацртаат се’ што ќе посакаат.

Како и изминатите години, конкурсот ќе биде поделен во две категории: 1) деца на возраст од 4 до 7 години; и 2) деца на возраст од 7 до 10 години. Испратените цртежи можат да бидат во било која форма, техника и големина – бидејќи Ладна не постави никакви органичувања. Одбрано стручно жири ќе ги одбере најдобрите дела во секоја од двете категории, а малите автори на победничките дела ќе бидат наградени.

Награди:

Прво Место – двајца добитници на патување во Дизниленд, Париз со родители/старатели

Второ Место – двајца добитници на годишен курс за цртање

Трето Место – двајца добитници на таблет за цртање

Цртежите заедно со податоците на детето (име и презиме, датум на раѓање, адреса и телефонски број на родителот/старателот) треба да се закачат на веб-страницата www.ladna.com.mk или да се испратат електронски на e-mail адресата Оваа е-адреса е заштитена од спамботови. Треба да ви е овозможено JavaScript за да ја видите. со наслов „За ликовен конкурс на Ладна“ или по пошта на адреса ул. Столтенбергова бр.2 Скопје, со назнака „За ликовен конкурс на Ладна“, најдоцна до 08.05.2024. Задолжително чувајте ги оригиналните цртежи испратени по електронски пат.

Целта на детскиот ликовен конкурс на Ладна е да ја разбуди креативноста кај децата и преку цртањето да ја претстават нивната визија на лист хартија. Затоа боичките во рака и цртајте слободно.

Испраќајте цртежи и следете ја Ладна на ladna.com.mk, Facebook/Ladna.mk и Instagram/Ladna.mk.