Визија, лидерство и иновација од Скопје до Европа

Детали

среда, 04 јуни 2025

Интервју со Марко Јовановски и Мартин Матески, дипломци на ЕМБА програмата на Сити Колеџ, Европскиот кампус на Универзитетот Јорк и ко-основачи на Energy Intelligence

Кога визијата се сретнува со храброста го менува статус-кво и тогаш се раѓаат приказни како таа на Марко и Мартин. Двајца инженери и претприемачи кои не се задоволија со комфорното, туку избраа да го редефинираат својот пат преку едукација и иновација. Тие се ко-основачи на македонската компанија Energy Intelligence, која со своите паметни решенија за автоматизација, енергетска ефикасност и безбедност, веќе пет години ги подобрува домовите и деловните простори ширум земјата.

Иновацијата, пак, не им е само дел од производите – таа е дел од нивната култура. Марко и Мартин веруваат во постојан раст, што ги води до одлуката да се запишат на Пан Европската ЕМБА програма на Сити Колеџ, Европскиот кампус на Универзитетот Јорк и Универзитетот од Стразбур. Ова интервју нуди искрен и инспиративен увид во нивниот пат, мотивациите зад нивните избори и трансформацијата што ја доживеале како лидери и луѓе.

Зошто ја избравте ЕМБА програмата на Сити Колеџ? Што ве привлече?

Марко Јовановски: Сакавме да ги надградиме нашите инженерски знаења со вештини кои се клучни за водење компанија. Програмата ни понуди престижна диплома, поддржана од два реномирани универзитета – Универзитетот Јорк и Универзитетот од Стразбур. Солун, како локација, беше идеален баланс помеѓу квалитетна настава и физичка близина. Но она што навистина не освои беше пристапот на факултетот – практичен, применлив и ориентиран кон современите предизвици на менаџментот.

Како го искомбиниравте интензивниот студиски ангажман со водење на сопствен бизнис?

Мартин Матески: Не беше лесно, но беше вредно. Секој предмет, секој модул и секоја задача ја гледавме како алатка што може веднаш да се примени во реалноста на нашата компанија. Благодарение на разбирањето и поддршката од професорите, успеавме да ги координираме нашите деловни обврски со академскиот календар. Некои предизвици ги користевме дури и како теми за студии на случај во рамки на наставата – што ни овозможи да добиеме вредни совети и алтернативни перспективи од колегите и професорите.

Што најмногу ве импресионираше на програмата?

Марко Јовановски: Најмногу ја цениме структурата на програмата, меѓународниот аспект и високото ниво на професионалност на предавачите. Секоја работилница беше темелно организирана, со квалитетна содржина и дискусии кои не беа само теоретски, туку поврзани со реалниот свет. Особено нѐ воодушеви мултикултурната динамика – колеги од различни земји и индустрии, што додаде богатство на секоја дебата. Учевме едни од други исто колку и од професорите.

Кои конкретни вештини или знаења ги применувате денес во Energy Intelligence?

Мартин Матески: Програмата ни даде целосна слика за тоа како функционира една организација, од финансии и стратешки менаџмент, до водење луѓе и донесување одлуки под притисок. Веднаш ги применивме концептите на организациска структура, процеси на одлучување, контролен систем, но и развој на организациска култура која поттикнува иновација. Уште поважно – научивме како да бидеме лидери кои инспирираат, не само менаџери што координираат.

Какво влијание имаше ЕМБА програмата врз развојот на вашата компанија?

Марко Јовановски: Energy Intelligence денес е значително поагилна и подобро позиционирана на пазарот. За време на нашите студии, го зголемивме бројот на вработени, ги подобривме внатрешните процеси, и склучивме нови партнерства со меѓународни брендови. Во меѓувреме, од малиот тим прераснавме во организација со над 15 вработени и преку 500 реализирани проекти. Имаме стабилна клиентска база и проширено портфолио, благодарение на стратешките алатки што ги стекнавме преку студиите на ЕМБА програмата.

Колку е важна едукацијата за младите претприемачи во Македонија?

Мартин Матески: Критично важна. Во екосистем како нашиот, каде често нема доволно институционална поддршка, единствениот вистински капитал е знаењето. Формалното образование како ЕМБА не само што дава структура, туку создава и платформа за вмрежување, размена на искуства и градење на поширока визија. За претприемачите е клучно да разберат дека учењето не завршува со факултетот – туку токму таму почнува вистинскиот развој.

Каква е вашата визија за иднината на Energy Intelligence?

Марко Јовановски: Следниот голем чекор е експанзија надвор од Македонија. Работиме на воспоставување нови застапништва, но и развој на внатрешен тренинг центар за обука на кадар со знаења од светски брендови. Исто така, сакаме да го дигнеме нивото на интерна комуникација и лидерство во компанијата, за што ни користат алатките од предмети како Organisational Behaviour и Leadership. На долг рок, гледаме на Energy Intelligence како регионален лидер во паметна автоматизација и иновативни решенија.

Кој совет би им го дале на идните ЕМБА студенти од Македонија?

Мартин Матески: Запишете се. Не размислувајте дали сте „подготвени“, бидејќи вистинската трансформација почнува кога ќе излезете од комфорната зона. Оваа програма ви овозможува да растете – не само како професионалци, туку и како личности. Ќе научите да водите со емпатија, да комуницирате со интегритет и да носите одлуки што имаат значење. А најважно од сè – ќе се поврзете со луѓе што ве инспирираат да бидете подобра верзија од себе. Храбрите визии, поддржани со квалитетно образование, можат да создадат реални промени – не само за една компанија, туку за цел еден пазар.

Заинтересираните кандидати за стекнување на стипендијата „Борис Трајковски“ за Пан-Европската извршна МБА програма на Универзитетот Јорк и Универзитетот од Стразбур за академската 2025/2026 година можат да конкурираат преку следниот линк.