Октомври е клучниот месец за садење растенија. Што препорачуваат експертите?

Детали

вторник, 07 октомври 2025

Многу луѓе мислат дека со почетокот на есента, појавата на првите дождови треба да се одморат од градинарството. Но, експертите велат дека е точно спротивното – октомври е клучниот месец за садење растенија, зимзелени садници,  па и пролетни луковици кои ќе блеснат уште рано на пролет!

Земјата е мека, надвор сè уште не е ладно, а садењето може да биде одлична рекреација.

Кои растенија треба да ги садите во октомври?

Според експертите од градинарскиот центар Фоја, сега е идеално време за садење, а ова се растенијата со кои никако нема да се згреши:

• Туја, убава декоративна, лесна за садење уште полесна за одржување
  Позната по својата густа зелена крошна и лесното обликување.
  Се користи како жива ограда, но и како самостојна декоративна форма. Брзо се прилагодува и не бара голема грижа, што ја прави идеален избор и за почетници.
• Хризантемите – Најпознатите есенски цветници. Нема поубав есенски цвет кој внесува толку ведрина и позитивна енергија.
  Освен убавината, хризантемата е симбол на радост, среќа и долг живот, па затоа секогаш носи позитивна енергија.
• Магнолија- Има раскошни цветови најчесто во бела, розова или виолетова боја- зависно од видот.
  Магнолијата е симбол на нежност и раскош, а еднаш засадена, станува главна атракција во дворот.
• Photinia red robin  Совршен избор за љубителите на нешто современо и впечатливо. Карактеристична е по младите листови со интензивна црвена боја кои се издвојуваат во силен контраст со темнозелените зрели листови. Се користи и како жива ограда, бидејќи лесно се обликува и секогаш изгледа декоративно.

Овие растенија не само што се лесни за садење, туку и одлично толерираат ниски температури – совршени за есенската градинарска сезона.