Кога уметноста се среќава со љубопитноста: Смелиот свет на дизајнерот Селети и „Sensorium Worlds“ во Милано

Детали

петок, 31 октомври 2025

Само малку дизајнери во светот умеат да го претворат обичното во нешто извонредно, како што може Стефано Селети.

Италијанскиот дизајнер познат по својот бескомпромисен пристап кон креативноста и љубовта кон неочекуваното, изгради репутација на уметник кој на секојдневните предмети им дава неочекуван пресврт. Изминатиот викенд во Милано, неговата фантазија се спои со технологијата на најнеочекуван можен начин, создавајќи уникатно искуство наречено „Sensorium Worlds“.

Само за една специјална вечер, вратите на легендарниот простор Pirelli Hangar Bicocca се отворија кон универзум на сетилни откритија. Во еден од најголемите изложбени простори во Европа, IQOS Curious X и Seletti ги поканија гостите на ексклузивен настан кој ја означи кулминацијата на едногодишната соработка помеѓу двата бренда. Гостите зачекорија во сцена каде што светлината, звукот и уметноста се споија за да ја разгорат љубопитноста и поврзаноста меѓу луѓето.

Тоа беше вечер што ја избриша границата помеѓу дизајнот и емоцијата, совршена сцена за претставување на најновата креативна авантура на Селети - IQOS ILUMA i x SELETTI Limited-Edition, дизајнерска соработка што ја претвори технологијата во форма на уметност. Од елегантните IQOS ILUMA i уреди до нивните впечатливи додатоци, секое парче го носеше препознатливиот дизајнерски потпис на Селети – разигран спој на фантазија, иронија и смели бои. Исто како и неговите парчиња мебел и декорации за домот што одново го осмислуваат познатото, и овие дизајни им овозможија на гостите да ја почувствуваат иновацијата низ уметничка призма.

Селети го опиша целиот креативен процес како „патување исполнето со идеи и ентузијазам и привилегија да се сподели креативност со уметници од целиот свет“. Тоа патување започна пред неколку месеци, за време на Миланската модна недела, со уникатна и разиграна уметничка инсталација што брзо стана едно од најпосетуваните места на популарниот моден настан и ја постави сцената за сѐ што следеше. Потоа, во јуни, Селети ги отвори вратите на своето студио за 20 креативци од целиот свет на работилницата Curious Minds, каде што сите разменуваа идеи и го обликуваа идентитетот на Sensorium Worlds.

Тој дух повторно оживеа на ексклузивниот настан во Милано. Гостите се движеа меѓу импресивни инсталации додека хипнотизирачките звуци на швајцарското електронско дуо Adriatique ја исполнуваа просторијата, како звучна материјализација на централната идеја на настанот: љубопитноста како сила што ја движи креативноста напред.

И токму тоа ја поврзува уметничката бунтовност на Селети со филозофијата на иновација на IQOS. И двата бренда веруваат дека љубопитноста е повеќе од емоција, за нив таа е катализатор на напредокот. Додека Селети одново го осмислува светот на дизајнот, IQOS го канализира истиот немирен дух во создавање подобри алтернативи без чад за возрасните пушачи.

Соработката не резултираше само со производ, туку создаде дијалог меѓу уметноста и технологијата, меѓу функционалноста и фантазијата. Резултатот е limited-edition колекција што ги отсликува љубопитноста и храброста, но и прослава на тоа како креативните споеви можат да инспирираат нов начин на гледање на светот.

*Овој производ не е без ризик, ослободува никотин кој предизвикува зависност. Само за полнолетни.