Засадени 150 садници во новиот спортски центар „Идризово“ – донација од Пивара Скопје

Детали

четврток, 04 декември 2025

Во спортскиот центар „Идризово“ во скопската општина Гази Баба засадени се 150 садници донирани од Пивара Скопје. Акцијата беше реализирана во партнерство со Општина Гази Баба, а волонтери од Пивара Скопје активно учествуваа во садењето, покажувајќи дека заедничкото делување носи вистински промени.

„Со оваа иницијатива демонстриравме што значи вистинска посветеност. Како татко на две деца верувам дека не е доволно само да зборуваме за подобри услови, туку дека мора и да ги создаваме. Токму тоа и го направивме овде, за иднината на нашите деца. Благодарни сме на Општина Гази Баба, за нивната отвореност и поддршка. Ова не е само еднократна акција, туку пример за посветено партнерство и доказ дека заедно можеме многу повеќе“, изјави генералниот директор на Пивара Скопје, Огњен Лазиќ,.

Градоначалникот на Општина Гази Баба, Бобан Стефковски, го нагласи значењето на соработката меѓу локалната заедница и компаниите при реализација на вакви активности кои носат придобивки за заедницата.

 „Ваквите иницијативи се пример како јавниот и приватниот сектор можат да работат рамо до рамо за иднината на општината и да придонесат за подобар квалитет на живот и развој на здрави навики кај младите генерации“, истакна градоначалникот Стефковски.

Оваа акција не е само симболична, таа е дел од пошироката стратегија на Пивара Скопје за поддршка на заедницата и заштита на животната средина.