Теута Емини, дерматолог:  Кожата памти сè, прашањето е дали ја штитиме доволно?

Детали

понеделник, 09 март 2026

Во време кога негата на кожата е во тренд, а серумите и третманите стануваат дел од секојдневната рутина, често се заборава најважниот чекор – заштитата од сончевите УВ зраци.

Разговараме со дерматологот Д-р Теута Емини за тоа како сонцето тивко влијае врз стареењето, зошто СПФ не е сезонски избор и дали една капка серум навистина може да направи разлика.

Ако кожата можеше да зборува, што би ни кажала за сонцето? Дали стареењето започнува од времето или од навиките?

Ако можеше да зборува, кожата би ни кажала дека најголемата штета не доаѓа од еден ден на плажа, туку од секојдневната негрижа, од „облачно е, нема потреба“, од „ќе ставам подоцна“... Стареењето не започнува само од времето, туку од навиките што ги повторуваме секој ден. Сонцето не боли, но кожата памети - фините линии, пигментациите и губењето на еластичноста не се само прашање на години, туку на изложеност без заштита. Годините се бројка, но УВ зраците се трага, а заштитниот фактор е начин да ја прекинеме таа тивка акумулација на оштетувања на кожата.

Што се случува со кожата што е третирана, но не е заштитена? Може ли една капка серум навистина да направи разлика?

Кожата што е третирана, но не е заштитена, е биолошки поранлива. Таа е како книга оставена на сонце, содржината е добра, но страниците со време бледеат. Без СПФ, ниту една терапија не е целосна, и се зголемува ризикот од постинфламаторна хиперпигментација, појава на фини линии и нарушување на кожната бариера.

 Да, една капка серум може да направи разлика, ако таа капка е правилно формулирана. На пример, Еуцерин Sun Face Oil Control СПФ 50+ УВ серумот не е само заштита, тој е контрола, рамнотежа и превенција во еден чекор. Затоа што се однесува како серум, лесен, интелигентен и активен, со целна функција, а не само површинска заштита. Комбинира висок заштитен фактор со лесна, некомедогена текстура, што овозможува секојдневна употреба без чувство на тежина.

Која е најголемата заблуда за СПФ кремите денес?

Најголема заблуда е дека СПФ кремите се потребни само во летните денови и кога сонцето се гледа. Најопасните УВ зраци не се оние што ги гледаме и чувствуваме, туку оние што тивко делуваат, продираат низ облаци и стакло и се присутни во текот на целата година. Втората заблуда е дека долго време, СПФ значеше тежина и затнати пори. Современата дерматолошка козметика користи ултра-лесни, серумски текстури со себум-регулирачки и матирачки комплекси, што ги прави погодни дури и за комбинирана и акнеична кожа. Денес, со ултра-лесни серумски формули, тој страв повеќе нема научна основа. Кога формулата е лесна, мат и невидлива, СПФ станува сојузник на убавината, не нејзина пречка.

Ако треба да оставите една порака за идната кожа на луѓето, која би била?

Кожата не бара совршенство, туку конзистентност. А СПФ е наједноставниот, но најмоќниот облик на грижа. Затоа што кога човек секој ден нанесува заштитен фактор, тој свесно избира грижа за иднината, а не само корекција на сегашноста. Еуцерин Sun Face Oil Control СПФ 50+ УВ серумот  не е само крема за лето, туку секојдневна инвестиција во иднината на нашето лице. Тоа е начин да ја прекинеме таа тивка акумулација на кожни оштетувања, и да ѝ дадеме на кожата шанса да остане здрава, силна и еластична.