Зошто сè повеќе родители избираат повеќејазично образование? – Разговор со директорот на Француското Интернационално Училиште во Скопје, Брис Бернабе

Детали

вторник, 05 мај 2026

Француското интернационално училиште во Скопје станува сè почест избор за родители кои бараат квалитетно, поинакво образование - од градинка па се до основно училиште.

Но, како изгледа тоа од перспектива на некој што доаѓа од Франција?

Разговаравме со директорот, Брис Бернабе – за училиштето, градинката, за децата, но и за неговото секојдневие во Скопје.

Што го прави вашето училиште поинакво?

Кај нас децата не учат напамет – учат како да размислуваат. Ги поттикнуваме да поставуваат прашања, да анализираат и активно да учествуваат. Создаваме сигурна и топла средина каде секое дете се чувствува прифатено и мотивирано.

Како изгледа еден типичен ден?

Динамично и балансирано – учење, игра, креативност и дружење. Особено кај најмалите, учењето се случува природно, преку игра и истражување.

Колку јазици учат децата?

Наставата се одвива на француски и англиски јазик, а македонскот и албанскиот се изучуваат како мајчин јазик. Не е потребно предзнаење по француски – децата го усвојуваат јазикот секојдневно, спонтано, како дел од нивната околина.

По која програма работи училиштето?

Работиме според француската национална програма, која е меѓународно призната, со што децата добиваат силни можности да го продолжат своето образование каде било во светот. 

Како ви се допаѓа животот во Скопје?

Навистина убаво се чувствувам тука. Градот има топлина, а луѓето се многу гостопримливи.

Што ве изненади најмногу кога дојдовте?

Колку е силно чувството за заедништво и колку семејството има важна улога во секојдневниот живот.

Дали веќе зборувате македонски?

Учам, но сè уште сум на почеток (се смее). Сепак, се трудам да разберам што повеќе.

Како вашето семејство се прилагоди?

Многу добро. Децата брзо се вклопија, а тоа ни беше најважно.

Што најмногу ви се допаѓа кај децата тука?

Нивната спонтаност и љубопитност. Тоа се одлични основи за учење.

Зошто родителите да го изберат вашето училиште?

Затоа што нудиме повеќе од обично образование – нудиме  тријазично образование, начин на размислување што им ги отвора вратите кон светот во иднина. 

Порака до родителите?

Најдобро е сами да дојдат и да ја почувствуваат атмосферата – безбедна, топла и поддржувачка, каде децата растат самоуверено. Така најлесно се носи вистинската одлука.

Уписите во Француското Интернационално Училиште се отворени, ве покануваме да ја посетите нашата градинка и основно училиште и лично да го запознаете нашиот тим.