Сокобања - релаксација во кралската бања на југоисток на Србија

Детали

недела, 15 јануари 2023

Сокобања, оддалечена од Скопје 256km, со најдолга туристичка традиција во Србија.

Сокобања е првата еколошка општина во Србија. Се наоѓа во Сокобањската котлина, опкружена со 4 планини, има 2 езера, како и реката Моравица.

Природата на Сокобања маѓепсува со своето бујно зеленило во лето, а во зимските месеци нијансите на сината и белата боја им нудат на туристите уникатно искуство и ја оживуваат силата и душата.

Во текот на зимските месеци, туристите имаат пристап до уникатно спа искуство во земјата и регионот - Спа детокс. Ова уникатно туристичко искуство вклучува многу содржини кои влијаат за целосна релаксација и детоксикација на телото.

Основата на хотелот се бањските услуги, но во 2 оригинални објекти: спа центар во Амам, објект кој е стар 5 века и сè уште работи и се полни со лековита вода од главниот термо извор во Сокобања.

Турската бања Амам се наоѓа во самиот центар на Сокобања во централниот бањски парк и датира од 15 век. Изградена е од страна на Осмалиите врз постоечките темели на римските бањи.

Последен пат е реновирана во 2005 година. Во неа и по реновирањето сè остана автентично, со машки и женски базен.

Турската бања има два термоминерални извори, со температури помеѓу 43 и 47ºC. Заштитена е од државата, како споменик на културата од големо значење.

Корисниците на оваа содржина истовремено уживаат во капацитетите на еден модерен и еден од најубавите спа центри во Србија – хотел „Санче“, кој се простира на повеќе од 1.500m2 и опфаќа содржини кои нудат три базени, џакузи, шест вида на сауни, солени соби, тунел на изненадување... Уникатната атмосфера и доживување е спој на долгата традиција и модерното во функција на здравјето.

Неизбежен и многу важен дел од оваа програма е гастрономијата, односно локалните специјалитети, подготвени од состојки од сокобањскиот регион.

Храна која ја враќа силата и го одржува телото. Голем предизвик е да одлучите кој специјалитет прво да го пробате: домашна гибаница со сокобањско сирење, сокобањско кравајче, јагнешко или говедско месо подготвено под сач или традиционална српска скара на бањски начин, додека Ртањскиот чај веднаш ќе ве загрее.

За време на снежните денови, непосредната околина на Сокобања нуди разни активности. Во функција се терените за санкање на ридот Поповица, лизгалиштето во центарот на Сокобања, а белите пространства на планините кои ја опкружуваат Сокобања им нудат на љубителите на екстремните спортови можност за несекојдневни доживувања. Најголема атракција е зимското искачување до Шиљак, врвот на Ртањ.

За спорт и рекреација во Сокобања, посетителите имаат избор на секој чекор. Капење во базени со термална или ладна вода, тенис, кошарка, ракомет на терени и затворени спортски објекти, трчање на трим патека во Бањица, риболов на езерото Бован и реката Моравица, возење велосипед... сето ова и повеќе за активен одмор во Сокобања и околината.

Повеќе за Сокобања на линкот.