Брилијантин: Подемот на дамите во розово (Grease: Rise of the Pink Ladies) се емитува оваа пролет само на SkyShowtime
- Детали
- среда, 22 февруари 2023
Со Мариса Давила и Шајен Изабел во главните улоги, десетте епизоди од мјузиклот ќе бидат достапни за емитување само на SkyShowtime оваа пролет
Во продукција на Paramount Television Studios, Брилијантин: Подемот на дамите во розово ќе можете да ја гледате на SkyShowtime оваа пролет.
Дејството на мјузиклот се одвива четири години пред оригиналниот Брилијантин; во 1954 година, пред да завладее рокенролот, пред Т-птиците (T-birds) да станат најјаки во училиштето, четири поинакви девојки се осмелуваат да им пркосат на нормите и поттикнуваат морална паника којашто засекогаш ќе го смени средното училиште Рајдел.
Освен Мариса Давила во улога на Џејн и Шајен Изабел Велс во улога на Оливија, Ари Нотартомасо ја глуми Синтија, Триша Фукухара ја глуми Ненси, Шанел Бејли ја глуми Хејзел, Медисон Томпсон ја глуми Сузан, Џонатан Нивс го глуми Ричи, Џејсон Шмит го глуми Бади, Мексвел Витингтон-Купер го глуми Вали и Џеки Хофман ја глуми заменик-директорката Мекги.
Анабел Оукс (Нетипичен, Транспарентно) е сценарист и извршен продуцент, како и креатор и режисер. Марти Боуен и Вик Годфри се извршни продуценти преку Temple Hill, а извршниот продуцент Адам Фишбах и Алетеа Џоунс (Во името на љубовта, Кукла, Зло) ја режираа првата епизода и уште две епизоди. Ерик Фајг и Сејми Ким Фалви се извршни продуценти преку PICTURESTART, чијашто продуцентка исто така е Грејс Гилрој. Џамал Симс ја направи и ја изрежира кореографијата, а извршниот музички продуцент Џастин Транте, номиниран за Греми наградите, ја компонира музиката.
Услугите на SkyShowtime се директно достапни за корисниците преку апликацијата на SkyShowtime на Apple iOS, tvOS, Android уреди и преку веб-страницата: skyshowtime.com. Месечната претплата за Skyshowtime е 5,99€.
За повеќе детали, посетете:
Препорачуваме
Најчитани неделава
