„Ви благодариме за нашето денес“: Со подароци и емотивна порака, Алкалоид ги потсети пензионираните вработени дека не ги заборавa

Детали

петок, 17 март 2023

Алкалоид е компанија која успешно работи скоро 90 години, а со пораката – „Ви благодариме за нашето денес“ – им изрази благодарност на пензионираните вработени кои помогнале да стане она што е денес.

Денес не постои личност во Македонија која не се напила „Кафетин“ за главоболка или која не купила крем од брендот „Бекутан“.

За популарноста, и пред сè квалитетот на овие и другите производи на Алкалоид, најголема заслуга имаат вработените.

А, Алкалоид како општествено одговорна компанија, навистина се грижи за своите вработени – и сегашни, и поранешни.

Преку пораката „Ви благодариме за нашето денес“, Алкалоид ги потсети своите пензионирани вработени дека никогаш нема да ги заборави.

Па така, тие добија подарок од компанијата – пакет производи од портфолиото на Алкалоид и емотивна порака од генералниот директор Живко Мукаетов.

„Успехот во работењето на ’Алкалоид‘ се должи, пред сè, на квалитетот на кадарот кој работи во компанијата, на квалитетот на производите, на брендот Алкалоид, како и на поединечните брендови кои ги имаме, а кои ги граделе генерации алкалоидовци години наназад.

Токму вас, нашите пензионери, ’Алкалоид‘ сака да ве потсети дека не заборавил на вашиот влог во секој еден проект, во секој еден производ и во секој еден наш капацитет.

Ви благодариме за нашето денес!“

Пензионираните вработени не останаа рамнодушни на убавиот гест, кој навистина топли срца и е пример за сите компании.