Хју Џекмен загрижен дека повторно ќе му се врати ракот на кожата, по операцијата на лицето пред неколку години (видео)
- Детали
- вторник, 04 април 2023
„Здраво момци. Сакав да го слушнете ова од мене, во случај некој да ме види на улица, па да се чуди што се случува. Само што направив две биопсии. Резултатите ќе ги дознаам за два или три дена и штом знам, ќе ве известам“ - вели актерот Хју Џекман кој во 2017 година имаше операција за рак на кожата.
Aвстралискиот актер Хју Џекман откри дека направил две биопсии за да се открие дали има нов рак на кожата.
Toj во 2017 година имаше операција за лицето со која му беа отстранети шест клетки кои имале потенцијал да предизвикаат рак на кожата.
Џекман (54) објави видео на социјалните мрежи во кое раскажа дека неговиот лекар забележал „ситници“ кои би можеле да бидат потенцијален карцином на базалните клетки - најчестиот облик на рак на кожата.
Во видеото, Хју носи заштитен фластер преку носот додека ја раскажува својата приказна и ги повика своите обожаватели да не излегуваат од дома без заштита од сонце.
„Здраво момци. Сакав да го слушнете ова од мене, во случај некој да ме види на улица, па да се чуди што се случува. Бев кај мојот доктор, д-р Ајрон.
Само што направив две биопсии. Резултатите ќе ги дознаам за два или три дена и штом знам, ќе ве известам“ - вели актерот во видеото.
Тој додава и дека базалните клетки во светот на ракот на кожата се најмалку опасни од сите.
Хју призна дека сончевите дамки на кожата кои сега ги отстранува се од времето кое го поминал на отворено пред 25 години.
Затоа ги повика фановите да не излегуваат од дома без заштитен фактор и да бидат безбедни кога се на сонце.
„Ве молам, ставајте крем за сончање со висок заштитен фактор. Без разлика колку и да сакате да се исончате, верувајте ми, не вреди ако потоа добиете рак. Нанесете крем за сончање и ве молам, бидете безбедни“ – додава тој.
Хју вели дека и во минатото секогаш бил отворен за стравовите од рак на кожата и дека ќе продолжи да ги потсетува луѓето да ставаат крем за сончање.
„Знам дека и претходно сте ме слушнале да зборувам за мојот карцином на базалните клетки. Ќе продолжам да зборувам додека треба. А, ако потсетам барем една личност да стави крем за сончање со висок заштитен фактор и да се заштити, тогаш сум среќен“ – вели тој.
Во интервју во 2015 година, кога првпат се соочи со карцином на кожата, пред да ги направи операциите, Џекман раскажа дека неговото детство „било на отворено“ и дека заштитните кремови за сончање не биле приоритет во неговото семејство.
„Мислам дека татко ми или мајка ми никогаш не ни купиле и не нè терале да ставаме заштита“ - рече тој и додаде: „Она што најмногу го паметам е правилото дека не смеам да пливам барем половина час откако ќе јадам. И, тоа не е точно“.
А. Ј. | Црнобело
Би можело да ве интересира:
Препорачуваме
Најчитани неделава
