Шенон Доерти се подготвува за смртта: „Ги продавам сите материјални работи“

„Сега приоритет ми е мајка ми. Знам дека ќе ѝ биде тешко кога ќе умрам пред неа, па сакам други работи да ѝ бидат полесни“, вели Шенон Доерти која почнала да се ослободува од материјалните работи бидејќи смета дека веќе не ѝ се потребни.

shenon-doerti-se-podgotvuva-za-smrtta-gi-prodavam-site-materijalni-raboti-01.jpg

Шенон Доерти отворено зборува за нејзината битка со ракот и иако вели дека не се откажува, сега изјави дека постепено се подготвува и за нејзината смрт.

52-годишната актерка сподели дека моментално најмногу се грижи за мајка ѝ, односно сака да ѝ ја олесни целата ситуација.

„Сега приоритетот ми е мајка ми. Знам дека ќе ѝ биде тешко кога ќе умрам пред неа“, вели актерката во нова епизода од нејзиниот подкаст.

shenon-doerti-se-podgotvuva-za-smrtta-gi-prodavam-site-materijalni-raboti-06.jpg

Со цел да ѝ олесни, Шенон вели дека почнала да се ослободува од материјалните работи што ги поседува и смета дека повеќе не ѝ се потребни.

„Бидејќи ќе ѝ биде многу тешко, сакам други работи да ѝ бидат полесни. Не сакам да треба да се справува со еден куп работи. Не сакам да има четири складови полни со мебел“.

shenon-doerti-se-podgotvuva-za-smrtta-gi-prodavam-site-materijalni-raboti-05.jpg

Актерката открива дека низ годините купила многу парчиња мебел бидејќи обожавала антиквитети. Но, сега сфатила дека нема потреба од толку многу покуќнина.

Истовремено, актерката вели дека се откажала од сонот да го реновира нејзиниот имот во Тенеси.

„Бев во Тенеси и пакував некои мои работи. Ми беше тешко и ситуацијата ми беше емотивна бидејќи се чувствував како да се откажувам од мој сон“.

shenon-doerti-se-podgotvuva-za-smrtta-gi-prodavam-site-materijalni-raboti-04.jpg

Актерката истакнува дека еден од нејзините неостварени соништа бил да ги згрижува старите напуштени коњи, а токму во Тенеси сакала да направи ранч за нив.

„Тоа беше еден од моите соништа. Па, како ги пакував работите, почнав да плачам. Се откажував од мој сон. Дали тоа значи дека се откажав и од животот?

И тогаш мајка ми ми рече ’Не го продавај ова место. Не мораш и можеш да продолжиш (со остварување на сонот)‘. Јас ѝ реков дека можам“.

shenon-doerti-se-podgotvuva-za-smrtta-gi-prodavam-site-materijalni-raboti-02.jpg

На крај, актерката сепак се откажала од сонот, дури нарекувајќи го и „глупава идеја“ бидејќи трошоците за реновирањето би биле огромни.

На крај, актерката додава дека со тоа што се ослободува од материјалните работи, верува дека „ќе ја олесни транзицијата на нејзиното семејство“ кога ќе почине.

Истовремено, таа смета дека во овој момент треба да вложува во искуства, а не во материјални работи.

shenon-doerti-se-podgotvuva-za-smrtta-gi-prodavam-site-materijalni-raboti-08.jpg

„Тоа што се ослободувам од сè ми помага да патувам почесто бидејќи заработувам – ги продавам моите работи. И со тоа создавам нови сеќавања со луѓето што ги сакам.

Можам да ја носам мајка ми на патувања бидејќи имам повеќе пари. Нема да ги допирам парите од мојот имот, за да се осигурам дека сите сакани ќе бидат згрижени кога ќе бидам мртва“.

shenon-doerti-se-podgotvuva-za-smrtta-gi-prodavam-site-materijalni-raboti-03.jpg

За потсетување, Шенон првпат беше дијагностицирана со рак во 2015-та. По две години, ракот беше во ремисија, но во 2019-та повторно се врати, и тоа во четврти стадиум.

Лани Шенон откри дека ракот се проширил до мозокот, а подоцна и до коските.

Актерката отворено зборува и за битката со ракот, и за фактот дека се подготвува за смртта.

Спирова С. | Црнобело

Би можело да ве интересира:

Чак Норис ја изневерил првата сопруга и добил ќерка - дознал за неа дури 26 години подоцна Додека бил во брак со првата сопруга, Чак Норис имал афера од која добил ќерка. ...
Познати жени кои се маќеи (и ги сакаат децата на сопрузите како свои) „Кога се венчав во Вил, знаев дека и син му е дел од нашето семејство. Потоа нау...
Мајката на Џеј Зи, која има 4 деца, се ожени со девојката на 72 години - Која е нејзината нова сопру... Венчавката на мајката на Џеј Зи и нејзината партнерка Роксан ја изненади јавност...
Скандалозниот љубовен живот на Џоан Колинс: Првиот сопруг ја силувал, од петтиот е постара 31 година „Сите поранешни сопрузи беа со мене за пари. Единствено третиот не се збогати на...
„Ќе ја научиш ли ќерка ти да не биде како тебе?“ – Парис Хилтон критикувана затоа што ќе снима реалн... „Ќе покажеш ли и колку дадилки имаш?“, „Како не ти е срам да се фалиш дека си до...
„Мислам дека не ја сакав кога се роди“ - Бредли Купер искрен за ќерка му Леа „Бев фасциниран од ќерка ми, сакав да се грижам за неа, но не ги разбирав другит...

Најчитани неделава

sonovnik-sidebar.jpg