Кружат гласини дека е насилна и нарцисоидна, ја поврзуваат со Лени Кравиц - Која е светската сензација Пегу Гу?

Нејзиниот најнов сингл е соработката со Лени Кравиц за песната I Believe in Love Again.

По видеата и фотките што двајцата музичари ги објавија на своите социјални мрежи, а кои беа „тизер“ за песната, јавноста почна да шпекулира дека Гу и Кравиц се новиот љубовен пар во музичкиот свет.

Пеги првпат објави заедничка фотка со Кравиц во ноември 2022, па тогаш и почнаа пишувањата за наводната љубов.

Нивните фанови сакаат да веруваат дека тие се заедно, но ниту Пеги, а ни Лени, не коментираат јавно дали се во врска.

И покрај тоа што станува миленичка на публиката, сепак има и такви кои не ја сакаат.

Во 2020 година, во времето кога почна да гради светска кариера, Даниел Ванг, диџеј, продуцент и поранешен сосед на Гу, ја нарече диџејката „алчна, насилна и грозно суштество“.

„И понатаму имам трауми од тоа што го познавам ова грозно суштество. Ми беше сосетка, но се пресели пред неколку месеци.

Некои луѓе во светот мислат дека е талентирана, атрактивна, модерна диџејка. Ова е најголемата и најтажната маркетинг измама што се случила.

Многу од нас, кои живееме во Берлин, ја знаеме вистината, но никој нема храброст (или авторитет) да зборува гласно.

Страв им е, затоа што ако кажат нешто, тие ќе добијат епитети на расисти, дека се огорчени или љубоморни на неа. Гу е нарцисоидна, алчна, насилна и проблематична“, вели Ванг.

Гу ги негираше неговите тврдења, па преку видео на Инстаграм им се обрати на своите следбеници.

„Им благодарам на сите кои ме поддржаа. А сите останати, кои верувате во озборувања, можете да оде*ете од мојот профил, зафатена сум“, напиша таа и кажа дека иако понекогаш знае да биде тешка, сепак не е таква каква што ја опишал Ванг. 

Изненадена сум што некој со кого сум се дружела пред многу години, ме ‘прозва’ на овој начин. Не сум совршена, но разочарана сум што луѓето се фокусираат на детска одмазда и лажни озборувања“, кажа Гу.

А. Ј. | Црнобело