Запомнете ги овие имиња

Детали

четврток, 12 јануари 2012

Овие три девојки имаат што да му кажат и покажат на светот, а нивното време допрва доаѓа. Две актерки и една пејачка со магнетски привлечен глас...

...се лицата за кои се надеваме дека многу ќе се пишува и слуша наредниве години.

Нивниот моден стил не е пресуден за успех, но е уште еден добредојден квалитет што сите три го поседуваат. Навиваме Џесика, Руни и Лана да станат нови омилени лица и на модните зависници.

Џесика Честејн ги воодушеви и критичарите и публиката во The Help, The Debt со Хелен Милер и во Tree of life со Бред Пит, а во моментов се спрема да собира награди и подготвува уште пет нови филмови.

Запомнете го нејзиното име, гледајте ги филмовите во кои игра и обрнете внимание кога ќе минува на црениот тепих.

Девојката со тетоважа на змеј, Руни Мара, ги живее своите први големи мигови на слава, но без двоумење ризикува со храбри модни одлуки трансформирајќи се со секое ново појавување во јавност.
Не е од оние ѕвезди кои немањето стил го прикриваат со одлуката во секоја прилика да носат здодевен мал црн фустанч.

Со неодоливо полни усни и сензуален свиленкаст глас, Лана дел Реј ќе беше во центарот на вниманието и без необичните спотови и еклектичниот стил што самата го нарекува спојка меѓу Ненси Синатра и Лолита.

Која е вашиот фаворит?

З.П. | Црнобело