Семејна драма кај Бекамови: Бруклин не зборува со Ромео бидејќи е во врска со негова бивша девојка

Детали

петок, 04 април 2025

Новата девојка на Ромео Бекам – Ким – е бивша на брат му Бруклин. Иако Бруклин е во среќен брак со Никола Пелц, не ја оправдувал врската на Ромео бидејќи се плашел дека Ким само сака да го искористи. И, поради ова браќата моментално не зборуваaт и затоа Бруклин не се појавува на семејни настани.

Дејвид Бекам веќе почна со прославите по повод 50-тиот роденден, иако роденденот му е дури на 1-ви мај.

Сепак, на гламурозната забава што ја приредија со Викторија, не присуствуваа нивниот најстар син Бруклин и неговата сопруга Никола Пелц.

Сега, извори блиски до семејството, откриваат дека Бруклин го заладил односот со брат му Ромео, и тоа поради девојка.

Откако ја прекина 5-годишната врска со Миа Реган, Ромео Бекам имаше кратка романса со моделот Греј Соренти.

Но, веќе неколку месеци е во врска со друга девојка – диџејката Ким Турнбул – и токму оваа врска била причина за конфликтот со брат му.

Претходно, околу 2017 година, Ким му била девојка на Бруклин.

Покрај можната љубомора, Бруклин бил загрижен што Ким сега го освоила неговиот помлад брат и се сомневал дека можеби сака да го искористи.

Стара папарaцо фотка од Бруклин и Ким

Ромео присуствуваше на прославата на Бекамови со девојка му Ким, па затоа Бруклин и сопругата одлучиле да не се појават.

Среде целата драма, Ромео сподели семејна фотка од прославата, без Бруклин и Никола, со опис „Семејството е сè, ве сакам“.

Но, избегнал да го означи брат му или да го спомне на каков било начин.

Бруклин и Никола не присуствуваа ни на модната ревија на Викторија Бекам минатиот месец, исто така поради новата девојка на Ромео.

Изворите велат дека одлучиле да не одат на ниту еден семеен собир каде што ќе биде присутна Ким.

Ромео и Ким првпат беа забележани заедно во ноември минатата година, а односот со Бруклин го заладиле околу декември.

И, оттогаш ситуацијата само се влошувала.

Сепак, Дејвид и Викторија ја заземале страната на Ромео бидејќи биле сигурни дека Ким е добра девојка.

Инаку, моментално Бруклин и Никола живеат во Лос Анџелес, додека Ромео уште живее со мајка му и татко му во Лондон.

Ким исто така живее во Лондон, а потекнува од релативно богато семејство. Татко ѝ е диџеј и основач на продукциска куќа, додека дедо ѝ е познат британски сликар и скулптор.

Спирова С. | Црнобело