Бастијан Швајнштајгер со нова девојка на плажа на Мајорка, неколку месеци по разделбата со Ана Ивановиќ

Детали

четврток, 05 јуни 2025

Само неколку месеци по разделбата со Ана Ивановиќ, фудбалерот Бастијан Швајнштајгер бил забележан на Мајорка со нова девојка. Според изворите на германските медиуми, тој веќе бил вљубен во неа и не планира да го среди бракот со Ана.

Неочекуваната разделба на Бастијан Швајнштајгер и Ана Ивановиќ беше дури и шок за јавноста бидејќи беа девет години во брак и делуваа како навистина среќен пар.

Веста допре до јавноста во април годинава, кога извори открија дека дотогаш, веќе два месеца живееле одвоено.

Германските медиуми не открија причина за разделбата, но сега споделија дека германскиот фудбалер веќе има нова девојка.

Според германскиот магазин Bild, 40-годишниот фудбалер бил забележан на плажа во Мајорка со новата девојка, а биле направени и неколку папарацо фотки.

На фотографиите, Бастијан се држи за рака со русокоса девојка, а фотографирани се и како заедно лежат на плажата.

Не е познат идентитетот на жената, но според изворите на Bild, Бастијан почнал да се гледа со неа во периодот кога почнале брачните проблеми со Ана.

Бракот на Ана и Бастијан со месеци бил далеку од хармоничен, па сфатиле дека е време да стават крај.

Бидејќи фудбалерот наводно бил и вљубен во новата девојка, бракот со Ана дефинитивно е завршен и нема да пробува да го спаси.

На истиот став била и Ана која „кренала раце“ од бракот и сега главен фокус ѝ биле трите деца што ги доби со Бастијан, како и патувањата.

За потсетување, Бастијан и Ана се венчаа во 2016 година во Венеција, а добија и три деца.

Бастијан изгради семеен дом во Австрија, но со Ана и децата главно живееја во Мајорка.

По разделбата, германските медиуми тврдат дека Ана се вратила во Белград, од каде што потекнува.

Засега ни Ана ни Бастијан се немаат огласено за разделбата и не е познато дали поднеле барање за развод, а на Инстаграм уште им стојат заедничките фотки.

Прочитајте и: Се разведуваат Ана Ивановиќ и Бастијан Швајнштајгер по 9 години брак – живееле одвоено веќе 2 месеца

Спирова С. | Црнобело