Калвин Харис е Адам, Маршмело е Кристофер - Кои се вистинските имиња на светските диџеи?

Детали

понеделник, 08 септември 2025

Дејвид Гета е еден од ретките кои, всушност настапуваат под своето вистинско име - роден е како Пјер Дејвид Гета во Париз. Но, како се викаат останатите светски диџеи?

Нивната музика ја слушате постојано, играте на нивните песни и сигурно барем еден или двајца ви се на листата „омилени светски диџеи“.

Но, дали ги знаете нивните вистински имиња?

Неколкумина светски диџеи ги задржале своите реални имиња и како сценски, а други се толку многу различни, што можеби никогаш нема да погодите за кого станува збор.

Ништо поразлично не е ни кај нас - бројни македонски диџеи настапуваат под сценски имиња, па не знаете како се викаат навистина.

Ова се реалните имиња на некои од најпопуларните диџеи во светот:

Hardwell изгради империја под уметничкото име, но во Холандија е роден како Роберт ван де Корпут.

David Guetta е еден од ретките диџеи кои, всушност настапуваат под своето вистинско име - роден е како Пјер Дејвид Гета во Париз.

Martin Garix е еден од најмладите суперѕвезди во историјата на светската музика, а неговото вистинско име е Мартин Герард Гаритсен.

Marshmello е познат по тоа што си го крие ликот на настапите - неговото име е Кристофер Комсток.

Diplo е сценското име на Томас Весли Пенц, кој е роден во Америка, во државата Мисисипи.

Zedd е сценското име на Антон Заславски, кој е роден во Германија, а има руско-германски корени.

Anyma е познат по својот мелодичен звук и фуристички настапи. Но, кога не е на сцената, пријателите го викаат по вистинското име, Матео Милери.

Avicii е икона на електронската и денс сцена, а песните кои ги направи се хитови и по неговата смрт. Вистинското име му е Тим Берлинг.

Продолжува на следната страница...