Легендарниот Робин Вилијамс пронајден мртов во неговиот дом

Детали

вторник, 12 август 2014

Актерската легенда Робин Вилијамс вчера попладне бил пронајден мртов во неговиот дом во северна Калифорнија.

Се претпоставува дека Робин извршил самоубиство со гушење, заради анксиозност и депресија од кои пател веќе подолго време.

Сепак, полицијата се уште ги истражува причините кои ќе бидат официјално објавени кон крајот на денот, по сите медицински истражувања.

„Робин Вилијамс почина ова утро. Веќе некое време се бореше со тежок облик на депресија,“ изјави неговата PR менаџерка Мара Буксбаум.

„Ова е трагична и ненадејна загуба. Семејството моли за приватност во овој тежок момент.“

Робин минатата година го заврши снимањето на серијата Луда екипа, а веќе со години се зборуваше како има финансиски проблеми.

Тој е еден од ретките актери кои отворено зборуваа за своите проблеми со дрогата и алкохолот. Во јули оваа година, Робин сам се пријавил на клиника за одвикнување од алкохол. Сите овие проблеми, очигледно, влијаеле на неговата депресија од која пател подолго време.

Последен пат, Вилијамс е виден во неделата, во домот кој го дели со неговата сопруга околу 10 часот навечер.

Веќе утрово пред неговата вила се поставуваат илјадници букети и картички за последен поздрав, од неговите најверни фанови и соседи.

Започнувајќи ја кариерата во 1974 година, Робин Вилијамс се прослави со улогата на Морк, а само 4 години подоцна започна да глуми во свое филмско шоу Mork & Mindy.

Во 1987 година го добива првиот Оскар за улогата во филмот Good Morning, Vietman.

По првиот Оскар, неговата кариера оди во нагорна линија со филмовите Mrs Doubtfire, Jumanji и позајмениот глас за Дизни класикот Aladdin, кои воедно го означија детството на милиони луѓе ширум светот.

Ова се сите негови појавувања кои вреди да ги запаметиме:

Денес, по трагичната вест за смртта, цел Холивуд жали и го изразува своето сочувство на социјалните мрежи.

Ова се само дел од збогувањата на колегите, пријателите и соработниците со легендарниот Робин.