Мис Универзум: „Сè уште го прашувам мојот менаџер дали навистина победив“

Детали

вторник, 22 декември 2015

Мис на Филипини објаснува што точно мислела откако Стив Харви по грешка ја најави Мис Колумбија како Мис Универзум за 2015-та година.

Неколку минути откако Харви ја прогласи Ариадна Гутјерез од Колумбија како Мис Универзум, се врати на сцената за да каже дека погрешил, Мис Универзум е Пиа Алонзо од Филипините.

„Бев збунета. Не знаев што се случува. Не очекував дека ќе се случи сето ова“ – објаснува победничката на овој настан.

„Се двоумев дали да пристапам напред на бината, бидејќи не бев сигурна дека и тоа е само уште една грешка. Барав знаци од вработените, но и тие беа збунети“ – додава.

Мис на Филипините не била сигурна дека е победничка сè додека не и бил назначен менаџер кој ја потврдил информацијата.

ICYMI: Here's the card Steve Harvey got handed & announced Miss Colombia as the winner pic.twitter.com/VlGMms6mfl

— Darren Rovell (@darrenrovell) December 21, 2015

„Морав да го прашам мојот менаџер неколкупати дали е грешка.... Навистина победив? Јас сум Мис Универзум?“ – објаснува Алонзо.

Мис Универзум за 2015-та сè уште не знае што да и каже на Мис Колумбија, па чека некој иден посталожен момент кога ќе може да и се извини за она што се случи на сцената.

Од друга страна пак, Мис Колумбија грациозно се соочи со ситуацијата велејќи дека „сè се случува со причина“.