Шајк-Купер бебето се очекува во мај

Детали

петок, 27 јануари 2017

Како што тврдат многу извори за странските медиуми, Бредли Купер е возбуден што за првпат ќе стане татко.

Актерот и Ирина Шајк го очекуваат своето прво дете некаде околу мај.

„Бредли е тука за неа и прекрасното бебе кое расте во неа. Постојано ја држи за стомакот кога бебето клоца и не можат да дочекаат да се роди. Бредли постојано ја носи на прегледи и е возбуден секојпат кога ќе го види бебето на ултразвук,“ вели извор за E!

Шајк и бебето се здрави, тврди изворот. Парот исто така го знае полот на бебето, но решава да го сочува во тајност додека не се роди.

Новоста за бременоста на Ирина Шајк првпат се рашири во ноември, кога моделот прошета во долна облека за Victoria’s Secret.

Изворот на E! исто така вели дека тогаш Шајк веќе била во второто тромесечје од бременоста.

Нешто подоцна во декември 2016-та, Ирина носеше зелен смарагд на прстот за веренички прстен.

М. Д. | Црнобело