Бен Афлек со емотивна исповед: „Штотуку го завршив третманот против алкохолизам...“

Детали

среда, 15 март 2017

Бен Афлек пред неколку часа отворено го сподели крајот со битката со алкохолизмот.

На Фејсбук сподели кратка исповед за мотивација и благодарност.

„Штотуку го завршив третманот против алкохолизам, нешто со што се борев во минатото и ќе продолжам да му се спротивставувам.

Сакам да живеам со полни гради и да бидам најдобриот татко кој можам да бидам. Сакам моите деца да знаат дека нема срам да побараш помош кога ти е потребна, и да бидеш извор на сила за било кој на кого му е потребна помош, но е исплашен да го направи првиот чекор.

Среќен сум што ја имам љубовта на семејството и пријателите, вклучувајќи го и мојот сојузник во родителството, Џен, која ме поддржуваше и се грижеше за нашите деца додека јас ја вршев работата која морав да ја направам.

Ова беше првиот од многуте чекори кои треба да се направат кон позитивно опоравување.“

Пред само неколку дена започнаа гласините и дека Бен и Џенифер ги повлекле документите за развод.

М. Д. | Црнобело