Ѕвезди кои јавно признале дека се бисексуалци

Детали

петок, 24 март 2017

Кога се работи за ѕвездите и славните имиња, честопати трачевите за нив вклучуваат шпекулации за нивната сексуалност и љубовен статус.

Дел од похрабрите ѕвезди се соочиле со тие шпекулации преку признанија.

На пример, овие ѕвезди јавно имаат признаено дека се бисексуалци:

1. Анџелина Џоли

Џоли е прекрасна жена која е секогаш отворена на тема личната сексуална определба. Била во врска со жена и неколкупати има зборувано на тема како една жена може да задоволи друга. Сиве овие години како е на филмското платно, била во врска со едни од најзгодните ѕвезди од двата пола.

2. Лејди Гага

Лејди Гага е жена без граници. Па, затоа не нè зачуди многу кога изјави дека била во врска со жени во минатото. Дури призна и дека нејзината хит песна „Poker Face“ е за бисексуалниот идентитет.

3. Амбер Херд

Амбер е уште една ѕвезда која не го крие она што го сака. Пред да биде со Џони Деп, беше во врска со жена и отворено зборуваше за својата бисексуалност.

4. Меган Фокс

Згодната Меган призна дека во 2011-та дефинитивно се дефинирала како бисексуалка. Иако има изјавено дека сексот со маж е „валкан“, сепак сега има сопруг и деца.

5. Ферги

Пејачката кратко и јасно еднаш кажа дека имала многу забавни моменти со жени и не се срами од тоа.

6. Синтија Никсон

Ѕвездата од Сексот и градот долги години беше во брак со маж, со кој има две деца. Откако бракот се распадна, во 2012-та се ожени со Кристин Мариони и истата година се дефинираше како бисексуалка.

М. Д. | Црнобело