Блогерката Кјара Ферањи и пејачот Федез - еден од најубавите италијански парови (фото)

Детали

петок, 04 август 2017

Кјара Ферањи е една од најпознатите светски блогерки, а Федез познат италијански пејач. Таа има 10 милиони следбеници на Инстаграм, а тој 4 милиони.

Федез ја запроси својата сакана Кјара Ферањи на сцената на својот концерт во Верона во мај годинава. Прекрасната русокоса, позната по блогот The Blonde Salad, ова прекрасно изненадување го доживеа токму на својот 30-ти роденден.

Шармантната Италијанка е родена на 7-ми мај 1987 година, а во 2009 година официјално стана дел од модната индустрија со лансирањето на нејзиниот моден блог. Нејзиниот уникатен личен стил го маѓепса светот, а блогерката и дизајнер на чевли оттогаш доби низа награди, се најде на насловните страници на најпознатите модни магазини и соработуваше со најзвучните имиња во светот на модата.

Прекрасниот пар професионалните обврски ги претвора во задоволство, а фотографиите од нивниот секојдневен живот што ги прикачуваат на Инстаграм се вистинска бајка.

Дел од најновите фотки на еден од најубавите италијански парови на сите времиња:

С. С. | Црнобело