Двејн Џонсон со хит видео на Инстаграм - Ќерките го шминкаат, му лепат бисери на очите

Детали

понеделник, 20 јануари 2025

„Тоа што почна со прашањето на моите две торнада Џези и Тиа: ‘Тато може ли да ти ставиме само малку сенка на очите?’ и мојот одговор ‘Да, ама набрзина, и направете да бидам кул зашто морам да одам во теретана’ заврши вака“ - вели актерот, кој дефинитивно е татко за медал.

Холивудскиот актер и поранешен најсекси маж на светот според магазинот People, Двејн Џонсон, секогаш го става семејството пред кариерата.

Колку и да е зафатен, актерот секогаш наоѓа време за своите две мали ќерки, а тогаш им се посветува безрезервно и им дозволува буквално сè.

Така беше и овој пат, кога стоеше мирно, додека девојчињата го шминкаа со кармин по целото лице и главата, му лепеа стикери, му ставаа украси на лицето и обетки на очите.

Гордиот татко објави видео на својот Инстаграм профил со моќна порака:

„Тоа што почна со прашањето на моите две торнада Џези и Тиа: ‘Тато може ли да ти ставиме само малку сенка на очите?’ и мојот одговор ‘Да, ама набрзина, и направете да бидам кул зашто морам да одам во теретана’ заврши вака.

Знам дека нема секогаш да се мали или да сакаат да се дружат со тато кога ќе потпораснат, но за мене секогаш ќе бидат моите мали девојчиња и секогаш ќе трпам вакво злоупотребување од нив по цел ден“.

Кликнете на видеото за да го погледнете:

А. Ј. | Црнобело