Кралица на модните промашувања: Бившата на Том Круз во сандали и црни чорапи низ Њујорк

Детали

среда, 05 јуни 2024

Кејти Холмс повторно покажа дека е кралица на модните промашувања, откако облече црни сандали со црни дебели чорапи, во комбинација со фустан и палто врзано околу половина.

Актерката Кејти Холмс можеби изгледа одлично на филм, но кога е во прашање приватниот стил, има повеќе модни катастрофи, отколку погодоци.

Последната модна грешка на Кејти повторно го привлече вниманието на јавноста.

Таа на прошетка низ улиците на Њујорк, каде што беше со својата мајка, носеше фустан во нежна боја.

Фустанот го комбинираше со црни сандали и дебели црни чорапи, а околу половината врза црна јакна.

Откако во медиумите се појавија нејзините фотки, фановите по којзнае кој пат коментираат дека на бившата на Том Круз очајно ѝ е потребен стилист.

Интересно е што во 2012 година Холмс беше прогласена за најубаво облечена жена во светот.

Но, оттогаш стилот на Холмс се смени, па нејзините модни избори, американските медиуми ги оценуваат како „дискутабилни“ и „лоши“.

Кејти изненади и на црвениот тепих на Jingle Ball во 2022 кога се појави во фармерки, црни спортски патики и тегет блуза без прерамки.

Погледнете уште неколку лоши модни избори на Кејти Холмс:

А. Ј. | Црнобело