Хали Бери (59) се вери со дечкото, по три разводи: „Ми се смачи да ме жалат дека сум кутра и немам среќа во љубовта“

Детали

петок, 06 февруари 2026

„Не е точно дека кажав НЕ, секако дека ќе се омажам за него. Во минатото, по 3 разводи, сите мислеа дека нешто не е во ред со мене, ме сожалуваа и велеа – Види ја кутрава нема среќа во љубовта“ – рече Хали Бери во гостување кај Џими Фалон и го покажа „малиот“ прстен со кој дечкото ја запросил.

Хали Бери (59) и нејзиниот дечко Ван Хант (55) се свршени по 6 години врска, која започна во периодот на корона пандемијата.

Изминатиот период имаше написи кои тврдеа дека во јуни таа одбила понуда за брак од партнерот, па сега во гостување кај Џими Фалон, разјасни.

„Има некоја конфузија дека мојот дечко ме запросил, а јас сум кажала НЕ. Но тоа не е така. Не реков НЕ.

Едноставно немаме датум, но секако дека кажав дека ќе се омажам за него. Тој ми стави и мал прстен“ – рече таа, а Џими на шега додаде: „Да, да баш е мал...“

Актерката го покажа огромниот златен прстен со уникатен правоаголен дизајн и впечатлив дијамант во средината.

Погледнете го видеото:

„По мојот трет развод, луѓето почнаа да велат – Што не е во ред со неа? Луда е, не може да задржи маж.

Престанав да давам интервјуа пред една деценија бидејќи се изморив од истата приказна.

Секогаш беше - Кутрата Хали, несреќна во љубовта повторно. А јас постојано се расправав - Кој вели дека сакам да задржам маж ако мажот не е вистинскиот?

Сега сум во најдобрата врска во животот“ – изјави Бери.

Инаку ова ќе биде четврти брак за Хали Бери – таа се разведе од првиот сопруг Дејвид Џастис во 1997 по три години брак, со пејачот Ерик Бенет го прекина бракот по две години во 2005-та, а беше венчана и со Оливиер Мартинез од 2013 до 2016 и со него го доби синот Макео.

Бившиот на Хали Бери мета на критики откако кажа зошто се развеле: „Не готвеше и не чистеше, а јас сакав домаќинка“

Хали имаше и 5-годишна врска со моделот Габриел Обри, која заврши скандалозно во 2010 со битка за старателство за нивната ќерка која наскоро ќе стане полнолетна.

Татко ѝ ја малтретирал, по разводот со првиот сопруг се обидела да се самоубие – Факти за Хали Бери

M. M. | Црнобело