Викторија Бекам во интервју за Vogue откри што мисли за својот стил во времето на „Spice Girls“

Детали

четврток, 09 ноември 2017

Модната дизајнерка, која благодарение на нејзината посветеност и работна етика, создаде модна империја се потсети на тинејџерските денови.

Викторија Бекам (43) ќе биде дел од декемвриското издание на Vogue. Taa позираше во нејзиниот дом во розови пижами и во интервјуто за светски познатиот магазин се потсети на деновите кога светот го тресеше од треската наречена „Spice Girls“.

Таа беше една од петте девојки кои со песните, но и со специфичниот стајлинг го освоија светот. Од денешна перспектива дизајнерката и мајка на четири деца вели: „Дали носев чудна облека? Да! Дали некогаш изгледав несоодветно? Во времето на Спајс Грлс - дефинитивно да!“

Руса коса, многу кадифе, сјајни хулахопки, има многу работи кои Викторија од денешна перспектива не би ги направила повторно.

Таа отворено упатува критики на своја сметка за носењето премногу шминка на лицето во времето на „Spice Girls“. Откри дека најмногу модни експерименти правела во тој период и за голем дел од аутфитити се кае, но сепак порачува дека е одлично да се има храброст за експерименти и да се пробуваат нови работи.

Инаку, дизајнерката пред некое време ја шокираше јавноста кога откри дека за време на настапите со групата неа често ѝ го исклучувале микрофонот и пееле само другите девојки.

Но, додаде дека за човек што обожава мода била вистинската работа да се биде дел од светски познат бенд, затоа што тоа значело бесплатни дизајнерски фустани.

Потсетете се на дел од стајлинзите на „Spice Girls“:

• 
• 
• 
• 
• 
• 
• 
• 
• 
• 
• 
•  

С. С. | Црнобело