Викторија Бекам на крстарење со новата снаа: „Загрижена е бидејќи е 9 години постара од син ѝ Круз“

Детали

петок, 25 октомври 2024

„Викторија е среќна за врската на Круз, но малку е загрижена бидејќи е скоро 10 години постара од него. Тој уште е тинејџер, а таа е возрасна жена во друга фаза од животот“, вели извор за новата девојка на најмладиот син на Бекамови.

Изгледа дека врската на најмладиот син на Бекамови – Круз – и неговата нова девојка Џеки Апостел станува сериозна, и покрај возрасната разлика меѓу нив.

19-годишниот Круз ја поканил Џеки на крстарење со мајка му Викторија.

Неодамна, Џеки го прослави 29-тиот роденден и е речиси цела деценија постара од Круз.

На папарацо фотките направени во среда (23.10) се гледа Викторија Бекам, заедно со снаата и најмладиот син на пристаниште во Мајами.

За пригодата, Круз и неговата сакана се во лежерно издание - тој носи портокалов блузон, додека Џеки е во бели шорцеви и бејзбол капче.

Минатиот викенд, пак, Круз и Џеки гледаа натпревар на фудбалскиот клуб на Дејвид Бекам.

И овој пат тие биле во друштво Викторија, како и Харпер – сестрата на Круз, иако не се гледаат на папарацо фотките.

Засега никој од Бекамови се нема огласено за новата врска на Круз, но се чини дека Викторија е во добар однос со снаата.

Џеки веќе ја споредуваат со Викторија, а наводно, дизајнерката ѝ била омилена модна икона.

Сепак, извор близок до Викторија тврди дека иако таа е среќна за син ѝ, не ѝ е сеедно за возрасната разлика.

„Викторија е среќна што син ѝ е среќен во новата врска, но малку е загрижена за возрасната разлика и не знае дали тој е подготвен за нешто сериозно.

Навистина ѝ се допаѓа Џеки, а изгледа дека и Џеки добро се согласува со целото семејство. Но, Викторија малку е загрижена што Џеки е речиси 10 години постара од Круз.

Тој уште е тинејџер, додека Џеки е возрасна жена која е во друга фаза од животот и можеби сака работи за кои Круз не е подготвен“.

И покрај наводните грижи на Викторија, Круз изгледа посветен на новата девојка.

А, за нејзиниот 29-ти роденден, тој напиша коментар во кој вели дека ја сака.

Погледнете и: Најмладиот син на Бекамови со 9 години постара девојка, откако ја изневери бившата – Ја споредуваат со мајка му Викторија

Спирова С. | Црнобело