Луисана Лопилато наполни 39 години и испрати моќна порака: „Грешев, плачев, се пронаоѓав – и во најтешкото, Бог не ме остави“

Детали

вторник, 19 мај 2026

Неодамна прослави 15 години со саканиот, со кого има 4 деца, од кои едното на 3 години се лекуваше од рак – Луисана Лопилато, позната како Миа Колучи, испрати моќна порака за 39-иот роденден со емотивен текст и во заводливо издание, додека дува свеќички.

Луисана Лопилато светот ја запозна како разгалената бунтовничка Миа Колучи во аргентинската тин-серија „Млади бунтовници“.

Освен актерската кариера со која продолжи да се занимава, Луисана се посвети и на семејниот живот.

Таа е омажена за канадскиот пејач Мајкл Бубле, со кого неодамна прославија 15 години брак.

Заедно тие имаат 4 деца – две момчиња и две девојчиња, а животот ги стави во повеќе искушенија, посебно кога нивното прво синче се соочи со дијагноза рак на 3-годишна возраст, но успеа да се излечи.

Сега убавата Аргентинка на социјалните мрежи сподели дека наполнила 39 години и објави видео на кое изгледа одлично, облечена во целосно црвена комбинација и дува свеќички.

Во описот на објавата, таа напиша емотивен текст и испрати моќна порака:

„Денес полнам 39 години и тешко ми е да поверувам дека почнувам да се збогувам со моите 30-ти години. Иако имам уште една година до тоа, чувствувам дека нешто се менува во мене.

Оваа декада сретна многу верзии од мене. Ме виде како растам, правам грешки, почнувам одново, се плашам, се смеам додека не заплачам и плачам додека не се пронајдов себеси пак.

Ми даде моменти кои никогаш нема да ги заборавам. Ми ги даде моите деца низ различни фази, лековити прегратки, луѓе кои дојдоа во мојот живот за да останат и лекции кои не секогаш доаѓаат на полесниот пат.

Денес, погледнувам наназад и станувам емотивна. Бидејќи животот не беше совршен, но беше длабоко мој. И бидејќи дури и во најтешките моменти, Бог никогаш не ја испушти мојата рака.

Денес полнам 39 години... и ако има една работа која ја посакувам, тоа е да продолжам да живеам со отворено срце, држејќи ги саканите малку поцврство и да учам да уживам во ова патување малку повеќе, а помалку да брзам“.

Погледнете го видеото:

Нејзиниот сопруг, објави видео во кое се споени повеќе нивни заеднички моменти од изминатите години и емотивно ѝ го честиташе роденденот.

„Среќен роденден на мојот најдобар пријател! Ти си најубавиот дел од мојот живот, не само заради тоа што си, туку заради начинот на кој правиш секој дел од животот да биде значаен.

Ти си исклучително талентирана и паметна. Те гледав како следиш соништа и градиш прекрасен живот со срце, храброст и грациозност. Ти си сила!

Ме смееш посилно од кој било на светот и секој ден се чувствувам среќно што сме во оваа авантура заедно.

Благодарен сум што од први редови го следам твојот живот, сум дел од твоите соништа и сме заедно каде и да нè однесе животот следно“.

Уште неколку фотки од роденденската прослава на Луисана:

М. М. | Црнобело