Како изгледаат денес главните актерки од серијата „Очајни домаќинки“? (фото)

Детали

понеделник, 18 декември 2017

Сите актерки имаа одлични изведби во серијата и се закитија со низа награди за тоа.

Серијата „Очајни домаќинки“ (Desperate Housewives) го раскажуваше животот на четири пријателки кои живеат во предградието и беше најпопуларната американска серија од 2004 до 2012 година, која стекна популарност и низ целиот свет, па и кај нас.

Интересните приказни од секојдневието на Линет, Бри, Сузан и Габриел, па и Еди која сакаше да им го комплицира животот на четирите пријателки, нè тераа со нетрпение да ја очекуваме секоја нова епизода.

Како изгледаат и што прават „очајните домаќинки“ денес?

Фелисити Хофман – Линет Скаво

Линет Скаво беше жестока бизнисменка која се обидуваше да најде баланс помеѓу кариерата и семејниот живот. Силен лик кој се избори со многу животни непогоди.

Фелисти Хофман е актерката што ја глумеше Линет. Таа денес има завидна актерска кариера и номинации за Oscar, Golden Globe и Independent Spirit Award. Фелисити е водечки лик и во серијата „American Crime“.

Тери Хачер – Сузан Мајер

Сузан Мајер беше слатка девојка од соседството која живееше совршен живот сè додека не откри дека сопругот ја изневерува со секретарката. Подоцна таа ја пронаоѓа својата среќа со еден атрактивен водоводџија и гради живот со него.

Тери Хачер е актерката што ја глумеше Сузан. Таа стана најдобро продаван писател на New York Times во 2006 година со книгата „Burnt Toast: And Other Philosophies of Life“. Тери е дел од разни серии како „Jake and the Never Land Pirates“, „The Odd Couple“ и „Supergirl“.

Марша Крос – Бри Ван де Камп

Бри Ван де Камп беше невротичен перфекционист која имаше репутација дека сè што прави, прави совршено. Таа е одлична готвачка, која доживеа криза кога нејзиниот брак се распадна и децата ја обвинија дека премногу им врши контрола на сите.

Марша Крос е актерката што ја глумеше Бри и доби неколку награди за оваа улога. За разлика од останатите таа има помалку филмски улоги потоа, а меѓу нив се „Fatrick“ и „Quantico“.

Ева Лонгорија – Габриел Солис

Габриел Солис беше најмладата домаќинка во серијата, поранешен модел со карактер што тешко се вклопува во рамката. Од жена со афера со градинарот таа на крајот се претвори во предана мајка и сопруга.

Ева Лонгорија е актерката што ја глумеше Габриел. Таа по серијата изгради одлична кариера и е дел од многу филмови и серии меѓу кои: „Lowriders“, „Devious Maids“, „Empire“ и „Decline and Fall“.

Николет Шеридан – Еди Брит

Еди Брит беше агент за недвижности кој неретко имаше афери со партнерите на другите четири домаќинки и им го комплицираше животот. Најголем проблем имаше со Сузан, а нејзината улога заврши со смрт во серијата.

Николет Шеридан е актерката што ја глумеше Еди и доби многу награди за улогата. Таа денес не е многу активна, но сè уште се појавува на ТВ екраните во филмови како: „The Christmas Spirit“, „Let's Kill Ward's Wife“ и „All Yours“.

С. С. | Црнобело