Холивудски ѕвезди кои биле фатени како крадат

Детали

четврток, 18 јануари 2018

Од Линдзи Лохан до Кеша, листата на актерки и пејачки што посегнале по нешто туѓо може да ве изненади.

Многу холивудски ѕвезди  имале моменти на нестабилност во животот кога направиле неморални дела како што е кражбата.

Но, некои од нив краделе затоа што немале за леб, други од опсесија, а трети поради ментална криза.

Кои познати актерки и пејачки биле уловени на кражба:

Кеша

Дали се смета крадењето за преголем грев ако го правите тоа за да преживеете?

Кеша го правела тоа затоа што живеела како бездомник. Пејачката не можела да си ги обезбеди ниту нејзините основни потреби, па крадела храна.

Фара Фасет

Фара Фасет отсекогаш била позната по прекрасната руса коса.

Но, актерката и модел е позната и по неколку апсења во 1970-тите кога била фатена како краде облека од бутици.

Бритни Спирс

Во 2007 година пејачката доживеа огромна криза пред очите на јавноста. Таа минуваше низ ментална криза и направи драстични потези како комплетно бричење на главата.

Наводно, потоа била фатена како краде перика од една продавница. За среќа, една деценија подоцна Бритни изгледа и се чувствува многу подобро.

Меган Фокс

Во една пригода Меган Фокс призна дека крадела шминка кога била многу помлада и немала многу пари.

Немирната тинејџерка сега е стабилна мајка на три дечиња.

Линдзи Лохан

Актерката е позната по неволјите што ги прави и проблемите со законот.

Линдзи Лохан во 2011 година, кога беше под условна казна, беше фатена како излегува од продавница за накит со ѓердан од 2.500 долари.

Винона Рајдер

Оваа актерка беше вмешана во еден од најпознатите инциденти со кражби кај познатите.

Таа во 2001 беше уапсена поради кражба на накит и модни додатоци во вредност од 5.500 долари од продавница на Беверли Хилс. Шанса да работи во Холивуд потоа доби дури во 2006 година.

Аманда Бајнс

Во 2014 година Аманда Бајнс минуваше низ психотична епизода и преку социјалните мрежи влезе во конфликт со многу луѓе. Таа имаше и јавни испади и инциденти.

Во тоа време беше обвинета и дека украла чанта од 200 долари од продавница во Њујорк.

С. С. | Црнобело