Зошто славните личности носеа бели рози на Греми ‘18?

Детали

понеделник, 29 јануари 2018

Кеша проговори за силувањето и сета болка потоа, а колегите громогласно ѝ ракоплескаа за храброста. Сите заедно порачаа дека истече времето за сексуални злоупотреби.

Најемотивниот момент на доделувањето на Греми наградите беше изведбата на Кеша на нејзината песна „Praying“ напишана за наводната злоупотреба од продуцентот Lukasz 'Dr. Luke' Gottwald. Таа заврши во солзи на сцената.

Придружувана од низа познати личности пејачката носеше бела роза и беше дел од движењето против сексуалната злоупотреба Time's Up. Емотивните говори имаа за цел да ја поткренат јавната свест против сексуалното малтретирање.

„Сите ние сме ќерки, сопруги, мајки, сестри, човечки суштества. На тие што се обидуваат да не замолчат им нудиме само два збора #Timesup. Истече времето за нееднаквост, дискриминација и злоупотреба од каков било вид, како и за злоупотреба на моќта...

Да работиме заедно, жени и мажи, и обединети да се посветиме да создадеме посигурна околина за работа и еднакви плати за сите жени, изјави Кеша.“

По емотивниот говор следуваше изведбата на „Praying“.  30-годишната ѕвезда доведе многумина до солзи и доби лавина од позитивни критики на Твитер.

https://www.youtube.com/watch?v=7cmzAjwmc5k

„Rainbow“ e првиот албум на Кеша кој излезе по 2012 година кога таа имаше 3-годишна битка со Gottwald, откако го обвини за силување и сексуална злоупотреба. Официјални обвиненија не беа подигнати, a тој поднесе тужба за клевета против неа и ѝ создаде низа проблеми. Албумот што излезе во 2017 година за пејачката е некаков емоционален триумф над ситуацијата.

Таа за него доби две номинации, но за жал наградите во тие категории ги зема Ед Ширан, кој не присуствуваше на настанот.

На настанот многу познати личности носеа бели рози како знак за поддршка на движењето, само неколку седмици откако на Златните Глобуси сите се појавија облечени во црно во знак на протест против сексуалната злоупотреба.

Познатите личности очигледно се сплотија за да испратат моќна порака до светот и тоа дефинитивно е за секоја пофалба.

Лејди Гага, Кели Кларксон, Рита Ора, Синди Лопер и Лана дел Реј, како и многу машки ѕвезди донесоа роза за поддршка на протестот или на некаков начин како моден додаток или дезен на својот аутфит ја имаа вметнато.

Секоја чест за храброста на Кеша, секоја чест за целото движење:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

С. С. | Црнобело