Славни парови кои биле во „отворена врска“

Детали

среда, 14 февруари 2018

Тоа што за некои е изневерување, за други е договор за „отворено“ функционирање во врската или бракот. Во светот на шоубизнисот, секако дека второто не е ни малку чудно.

Дел од овие „отворени врски“, па и „отворени бракови“ не сме знаеле дека така функционираат, иако го знаеме секој детаљ за животот на ѕвездите.

Деми Мур и Ештон Кучер

Парот кој беше контроверзен заради големата разлика во години, бил контроверзен и по уште еден друг договор. Наводно, парот си дозволувал други партнери, но само ако и двајцата се вклучени и запознаени со ситуацијата.

Ештон очигледно не ги почитувал правилата, бидејќи имал тајна афера со жена по име Бритни Џонс.

Вил и Џада Пинкет Смит

Џада дури и во едно интервју има признаено дека на сопругот му ја дава слободата „да прави што сака, сè додека следниот ден може со чист образ да се погледне во огледало заради своите постапки.“

Џастин Тимберлејк и Џесика Бил

Иако сега се во моногамен брак, на почетокот биле во отворена врска бидејќи и двајцата не сакале да се смират. Бил не била најсреќна со договорот, но за среќа и мислењето на Тимберлејк се променило и повеќе не сакал да се гледа со други жени.

Меган Фокс и Брајан Остин

Наводно овој славен пар имал еднонасочна отворена врска. Поточно, само Меган имала желба и потреба да се гледа со други партнери. Сепак, парот сега има 3 дечиња и ниту една докажана афера.

Гвинет Полтроу и Крис Мартин

Пред пријателски да се разделат, Крис и Гвинет биле во отворен брак. Гвинет во една прилика дури изјави: „и двајцата сме возрасни. Секој си прави сопствени избори.“

М. Д. | Црнобело