Како некои ѕвезди го користат Холивуд за да го направат светот подобро место за живот?

Детали

среда, 18 април 2018

Анџелина Џоли се бори за правата на децата, Ема Вотсон за правата на жените, а Леонардо ди Каприо за заштита на околината и природните ресурси.

Тие имаат завидни кариери и армија фанови ширум светот. Но холивудската слава ја користат за нешто многу моќно, за нешто многу човечно.

Овие ѕвезди преку своите залагања и хуманитарна работа се трудат да го направат светот подобро место за живот.

Кои ѕвезди се најголеми хуманитарци?

Леонардо ди Каприо

Актерот со години донира пари за заштита на околината и говори јавно за сериозните проблеми со загадувањето и искористувањето на природните ресурси.

Во неговиот дом користи соларна енергија и вози електричен автомобил за да ја заштити околината од загадување.

Ема Вотсон

Уште од тинејџерските години актерката работи на заштита и унапредување на правата на жените.

Говори за еднаквоста на мажите и жените и тоа не само во Америка, туку во целиот свет.

Опра Винфри

Опра донираше многу пари и вложи многу енергија во борбата за правата на жените и борбата за правата на Афроамериканците.

Таа ги охрабрува жените да проговорат за сексуалната злоупотреба и помага во овозможување на едукациски процес и на луѓето што живеат во најзафрлените делови на светот. Дефинитивно е еден од најголемите филантропи на денешнината.

Мет Дејмон

Актерот се бори за зачувување на природните ресурси, најмногу водата. Тој е бесен што светот ја зема здраво за готово оваа придобивка.

Тој основаше и фондација, која им обезбедува вода на луѓето во оние делови од светот каде немаат пристап до чиста вода.

Анџелина Џоли

Џоли е позната како огромна хуманитарка која се грижи за сите нации и посвојува деца од различни земји. Таа се зазема за подобро здравје, безбедност и едукација на сите деца на светот и се бори за правата на жените.

Од Еквадор до Либан и Ирак, актерката постојано патува и посетува бегалски кампови, реони погодени од природни непогоди, револуции и што уште не. Невозможно е да се најде некој со поголема посветеност на хуманитарната работа од неа.

Прочитајте за животната приказна на една од најголемите хуманитарки - Била силувана на 9 години, свршена е со партнерот 25 години: Факти за Опра Винфри!

С. С. | Црнобело