Единствениот начин на кој таткото на Меган Маркл може да стапи во контакт со неа

Детали

четврток, 16 август 2018

Драмата поврзана со Меган Маркл и нејзиниот татко Томас се чини дека нема крај, а како последица на тоа, Меган одбива контакт со него.

Според извори на Daily Mail, Меган нема да зборува со нејзиниот татко сè додека не покаже почит и добри манири, и секако, додека не престане да дава лажни изјави во јавност.

Војвотката од Сасекс наводно не е во никаков контакт со Томас по кралската венчавка, а постои само еден единствен начин на кој тој може да дојде до неа, без истиот да биде одобрен или одбиен од палатата.

Томас може да стапи во контакт исклучиво преку неговата бивша сопруга, мајката на Меган, Дориа Регланд.

„Ако Томас навистина сака да зборува со Меган, може лесно да напише писмо до нејзината мајка, па таа да ѝ го предаде,“ вели изворот, со оглед на тоа што Меган и Дориа се блиски.

М. Д. | Црнобело