Славни парови кои глумеа дека се заљубени заради лични интереси

Детали

сабота, 20 октомври 2018

Постојат холивудски двојки кои се како создадени едни за други. Но, има и такви, чија врска делува претерано лажно, за да емоциите бидат вистинити. Дали е така и во наведените примери?

Љубовните приказни на познатите фаци се како телевизиски сапуници.

Полни се со интриги и скандали, па секоја епизода од приватниот живот им е покомплицирана од претходната.

Наспроти обидите да се прикажат во поинакво светло, дел од нив се чинат лажни уште од самиот почеток.

Денес изгледа како никогаш да не биле вистинска романтична двојка, туку ги споиле парите и публицитетот, или, пак, некаква маркентишка корпорација, која во нивната врска видела одлична прилика за повеќекратна корист. А, тие ги прифатија улогите.

Ова се славните парови кои глумеа дека се љубат заради лични интереси:

Џенифер Анистон и Винс Вон

По разводот од сопругот Бред Пит, американската глумица пронајде утеха во прегратките на партнерот од комедијата „The Break-Up“ .

За врската на Џенифер Анистон и Винс Вон, малку се знаеше во јавноста, затоа што и ретко се појавуваа некаде.

Раскинаа една година подоцна, според многумина, откако повеќе не им се исплатеше како реклама на филмот што двајцата го промовираа.

Единствениот коментар што актерот го даде за нивниот однос, кратко гласеше дека е: „ОК.“

Том Круз и Кејти Холмс

По само два месеци забавување, холивудскиот глумец ја запроси саканата на врвот од Ајфеловата кула во Париз.

Кејти Холмс говореше за Том Круз како затрескана средношколка, користејќи описи од бајки додека раскажуваше за нивната љубов.

Самиот брак, пак, предизвика мноштво бизарни гласини.

Еден од најстрашните е дека ќеркичката Сури е всушност биолошко дете на основачот на Саентолошката црква, зачната со помош на замрзната сперма. Издржаа шест години заедно.

Тејлор Свифт и Том Хидлстон

Сега веќе озогласената пејачка, најпозната е по тоа што им се „одмаздува“ на поранешните момчиња во напишаните стихови.

На списокот со бивши љубови ѝ се наоѓаат доста познати имиња. Меѓутоа, симптоматично е што со сите од нив, кантавторката раскина баш пред издававањето нова песна, или, пак, албум. Најсомнителна е врската помеѓу Тејлор Свифт и британскиот актер Том Хидлстон. 

Во фокусот беше очигледното снимање лажни фотографии, а со цел да се крене публицитет за обајцата. Раскинаа по три месеци глума.

Мајкл Џексон и Деби Роу

Кралот на поп музиката помина три години во брак со непознатата медицинската сестра.

После разводот од Мајкл Џексон, Деби Роу се откажа од старателските права над децата, во замена за висока сума пари и вила на Беверли Хилс. Тогаш истакна дека починатиот пејач е создаден да биде нечиј родител, а единствената желба ѝ била да му го овозможи тоа.  

Се поставува прашање дали стануваше збор за сурогат мајка, или, пак, лажен брак.

Џенифер Лопез и Дрејк

Латино дивата и канадскиот рапер ги полнеа насловните страници на таблоидите со своите романтични фотки.

Од друга страна, Џенифер Лопез и Дрејк никогаш официјално не потврдија дека се заедно. По некое време, излезе дека тие всушност создаваат музика.

Откако призна дека не е вљубена во колегата, пејачката еден ден подоцна заплови во врска со Алекс Родригез. Овојпат – сосема реална.

Хенри Кавил и Кејли Куоко

Тие првпат беа видени како разменуваат нежности во 2013 година. Но, „љубовта“ на Хенри Кавил и Кејли Куоко имаше краток на траење.

Славниот пар остана десетина дена заедно, по што им се разделија патиштата, како никогаш да не се ни сретнале. Постојат сомнежи за вистинитоста и на оваа врска, имајќи го предвид податокот дека обајцата ги претставуваше иста фирма за односи со јавноста.

А, веднаш по нејзиниот завршеток, актерката премина на Рајан Свитинг, за кого и се омажи само три месеци покасно.

Кристен Стјуарт и Роберт Патинсон

Од самиот почеток на нивната врска, се шпекулираше дека таа служи исклучиво за промоција на филмската сага „Twilight“, каде двајцата ги толкуваа главните улоги.

Факт е дека Роберт Патинсон и Кристен Стјуарт воопшто не делуваа среќни на заедничките фотографии. А, дури и самата глумица откри дека се пар бидејќи луѓето го очекуваат тоа од нив.

По скандалозното неверство од нејзина страна, дефинитивно исчезнаа сите илузии дека тие се љубовна двојка за сите времиња. Тој се сврши со друга девојка, а таа се сврте кон истиот пол.

Даг Хачисон и Кортни Стоден

Ѕвездата на реалното шоу се омажи за глумецот во Лас Вегас, кога таа имаше само 16 години, наспроти неговите 51. Даг Хачисон и Кортни Стоден наводно се допишувале преку електронска пошта.

Комуникацијата се одвивала под надзор на мајката на старлетата, која во тоа гледала само искрено внимание, а на крајот и љубов. Измислена беше приказна за секс снимка на двојката, што всушност претставуваше маркетиншки трик за нејзиното „едукативно“ видео за возрасни.

По разделбата продолжија да живеат во иста куќа, а кружат гласини и дека повторно се смирени.

М. А. | Црнобело