6 славни личности кои страдале од „прегревање“ поради работата

Детали

среда, 27 февруари 2019

Стресот и прегревањето од работа не се нормална состојба и воопшто не треба да бидат прифаќани како такви, туку напротив, треба да се надминат.

Сигурно ви се случило да не знаете што правите и каде „терате“ со животот, само затоа што сте премногу уморни. Многумина ова не го ни сфаќаат како сериозна состојба и со години беше игнорирана како појава.

Сепак, прегревањето е реално, а сè повеќе славни личности одлучуваат гласно да зборуваат за своите искуства:

Тифани Хадиш

Комедијантката се отвори за TMZ како прегревањето влијаело врз нејзиниот новогодишен настап. Таа напоменува дека со години работи секојдневно и дека во цела година спие едвај 30 денови дома.

Затоа и често страда од хроничен умор, прекувремено работење и прегревање.

Бијонсе

Популарната ѕвезда имала повеќе случаи на прегревање низ годините успешна кариера. Неколку пати има и откажано настапи поради хроничен умор, а во 2011-та си земала слободна година за да може да одмори.

Бијонсе тврди дека имало многу денови во кои не била воопшто свесна кој ден е, која година и во кој град се наоѓа. Благодарение на својата мајка и нејзините совети, одлучила дека мора да се погрижи и за менталното здравје.

Меган Маркл

Војвотката од Сасекс се соочи со прегревањето од работа кога започна да ги реализира своите кралски обврски. Тоа кулминираше во првите месеци од нејзината бременост, па многупати принцот Хари сам се појави на настаните предвидени за нив двајца.

Селена Гомез

Младата пејачка веќе подолго време отворено зборува како уморот влијаел и врз нејзиното физичко, но и врз менталното здравје.

Таа веќе извесен период е подложена на дијалектичка бихејвиорална терапија, која целосно ѝ го променила животот. Селена за првпат се чувствува како да не треба да молчи, додека некој друг  суди за она што го работи.

Хилари Даф

За своето прегревање од работа, Хилари зборуваше уште во 2005 година, опишувајќи го како умор кој не може да се среди со едно подолго спиење.

Лили Сајнг

Една од најпознатите ѕвезди на Јутјуб со над 14 милиони следбеници на каналот, преку видео објави дека е ментално, физички, емоционално и духовно исцрпена и дека одреден период нема да објавува видео-содржини на својот канал.

Е. Д. | Црнобело