„Зошто сум бесна што Џеј Ло се сликаше комплетно гола?“

Детали

петок, 27 ноември 2020

„Замислете како се чувствува една „обична“ жена која е истоштена од обврските во домот и грижата за семејството и финансиите кога ги гледа фотките на Џеј Ло. Дури и во најдобрата облека и со најдобрата шминка таа уште не се чувствува доволно добро. Јас знам колку е болно тоа...“

Улрика Џонсон е 53-годишна ТВ презентерка и мајка на 4 деца. Таа постојано објавува фотографии без шминка и филтер на својот Инстаграм профил и искрено го прикажува стареењето.

По фотографиите каде Џеј Ло позира гола на 51 година и изгледа неверојатно, кои ги „бомбардираа“ медиумите низ светот, Џонсон кажа дека не може да издржи повеќе да биде константно „бомбардирана“ со фотографии од познати личности кои ги прикажуваат своите совршени тела.

Нејзината искрена исповед беше објавена во магазинот The Sun:

„Пред некој ден си плачев во себе откако ги видов фотографиите од Џенифер Анистон, која има 51 година, како трча во некој парк во САД.

Но, обрнете внимание на ова, таа е само ДВЕ години помлада од мене, но нејзиното тело е подобро од што беше моето на 27.

Таа е тонирана, мускулеста, но женствена и таму нема вишок кожа, целулит или знаци на стареење.

Да не ни почнувам со нејзиното лице, тоа остана исто во последните две децении. Изгледа заносно.

Кога видов фотографија од неа како практикува јога за да рекламира одреден пијалак се почувствував како сета самодоверба да беше исцицана од мене. Буквално чувствував како тонам.

Живееме во доба на славните во која сѐ се врти околу сликата. Сѐ се поврзува со изгледот.

Вчера, доживеав уште еден удар кога Џеј Ло, која исто така има 51 година, беше фотографирана гола, сјајна, тонирана, женствена, цврста и моето чувство на безначајност беше доведено на највисоко ниво.

Таа изгледа божествено на фотографиите.

Се почувствував заплашено.

Свесна сум дека овие жени имаат лични тренери, стилисти, готвачи, персонал, а да не споменувам Фотошоп. Ги фотографираат најдобрите и не дозволуваат ништо да помине без соодветен филтер.

Се разбира, и јас да имав пристап до сето тоа можеби ќе видевте една поинаква Улрика Џонсон на социјалните мрежи.

Но, ова прикажување на совршенство, верувам дека прави вистинска штета.

Доволно е лошо што една стара и збрчкана жена како мене се чувствува заплашено и безвредно, но загрижена сум за ефектот врз сите жени, млади и постари, познати и „обични“.

Продолжува на следната страна...