Парис Хилтон облечена како за Оскари оди на романтична вечера со четвртиот вереник (фото)

Детали

петок, 23 април 2021

Парис Хилтон облечена како за на црвениот тепих оди на романтична вечера со нејзиниот нов и четврти вереник, 40-годишниот Картер Реум, а на фотографиите парот изгледа навистина заљубено - дали оваа врска ќе стигне до брак?

Парис Хилтон изгледа пресреќно на новите папарцо фотки со нејзиниот вереник Картер Реум. Парот беше фотографиран како оди на романтична вечера, а Парис се дотерала како за на црвениот тепих.

40-годишната богаташка носи розов Valentino фустан, во комбинација со розови чевли и чанта. Таа носи и дијамантски ѓердан, а на нејзината рака блеска вереничкиот прстен, кој наводно чини дури 2 милиони долари.

Нејзиниот вереник одбрал безбедна комбинација – црно одело и црни патики.

Вљубениот пар се држи за рака, а споделија и неколку бакнежи, пред Парис да почне да им позира на папараците.

Картер е четвртиот вереник на Парис, а ја запроси на нејзиниот 40-ти роденден, за време на прославата на приватен остров. Парот нема споделено дали прават планови за свадба, но според сестрата на Парис, Ники Хилтон, уште не им се брза.

„Мислам дека нема да се венчаат во блиска иднина. Парис сака да направи венчавка кога ќе биде безбедно, а кога ќе се случи тоа дефинитивно ќе ѝ помогнам, особено за моминската вечер“.

Според Ники, иако Парис нема планови за свадба, сигурна е дека моминската вечер ќе ја прослави во Лас Вегас или Мајами.

Ники открива и дека периодов Парис е доста зафатена со нејзините бизнис проекти, па тоа е уште една причина зошто не ѝ се брза за венчавката. Истовремено, Ники тврди дека Парис и Картер се совршен пар:

„Многу се слични. И двајцата се фокусирани на нивната работа и работат со страст. Одлично се согласуваат“.

Спирова С. | Црнобело