Сексапилната девојка од спотот за Wicked Game: „Тајната за добар изглед е танц на шипка“
- Детали
- сабота, 18 септември 2021
Хелена Кристијансен е модел, а ќе остане запаметена по улогата во спотот за една од најубавите балади на сите времиња Wicked Game на Крис Ајсак. Денес таа им 52-години, но сè уште позира во секси долна облека.
Хелена Кристијансен почнала да чекори на модните писти уште како дете. Топ моделот со данско и перуанско потекло (мајка ѝ е од Перу) на возраст од 16 години станала Мис Копенхаген, а во 1987-та година се здобила и со титулата Мис Данска.
Следната, 1988-ма година се натпреварувала и за Мис Универзум, но не успеала да победи.
Најголемата слава ја стекнува во текот на 90-тите години на минатиот век, откако се појави во спотот на Крис Ајсак за песната Wicked Game. Taa во периодот од 1997-мата до 1999-тата беше и меѓу ангелите на Victoria’s secret.
Сепак, иако веќе е навлезена во шестата деценија од животот, Хелена нема намера да запре. Таа редовно објавува фотографии во провокативни изданија на Инстаграм, а неодамна имаше и фотосесија за долна облека.
Во интервју за Harper's Bazaar таа меѓу другото говореше и за тоа во што се крие тајната за нејзиниот младешки изглед.
Меѓу повеќето нешта што ги наброи, на прво место ги стави одморот и физичката активност, што за неа има малку поинакво значење.
„Се чувствувам најдобро кога сум добро наспана. Тоа ми е прв приоритет. Мислам дека е приоритет за повеќето луѓе, затоа што ти го менува целиот ден“ – вели таа.
Што се однесува до доброто оддржување на телото во топ форма таа признава дека се занимава со нетипична форма на вежбање:
„Неодамна почнав да танцувам на шипка. Тоа е најтешката физичка активност што некогаш сум ја пробала во животот и навистина имам голема почит за сите што танцуваат на шипка.
За мене тоа е како виртуелен балет, па перцепцијата дека станува збор за нешто што е мошне евтино воопшто не ме вознемирува, не ги ни слушам таквите коментари. На сите што имаат такво мислење за оваа активност, само ќе им кажам: ‘Обидете се’“ – вели таа.
Освен како модел, таа работела и како успешен фотограф, а има и свое фото-студио во Њујорк. Таа беше креативен директор на модното списание Nylon што постоеше од 1999-тата до 2017-тата година.
Таа никогаш не стапила во брак, а има еден син од врската со актерот Норман Ридус. Нејзиниот син Мингус Лучиен Ридус сега има 21 година и тргна по стапките на мајка му, па веќе е успешен модел.
Погледнете ги фотографиите во продолжение:
Б. С. Б. | Црнобело
Би можело да ве интересира:
Препорачуваме
Најчитани неделава
