Какви личности биле познатите пред да се прослават (и дали славата ги променила)?

„Дедо ми му предавал математика на Џек Николсон во средно. Вели дека бил бунтовник, но му одела математиката“.

„Одев на факултет со Џо Кири (Стив Харингтон од Stranger Things). Тогаш беше прекрасна личност и секогаш имаше добра фризура. Кога го видов неодамна, дојде да се поздрави со мене!“

„Го познавам Роберт Патинсон уште од пред 15 години. Тогаш беше добар дечко, пријателски настроен и навистина забавен. Но, имаше и чудна страна, а беше и опседнат со Џек Николсон“.

„Наша семејна пријателка му била најдобра пријателка на Том Круз пред да стане славен. Не ѝ верував, но ми покажа фотографии. Бил прекрасен човек, но штом почнал да се прославува, славата му удрила во глава и станал многу арогантен“.

„Тетка ми била добра пријателка на Мадона во средно и останале блиски сè додека не се прослави. Мадона се претворила во потполно различна личност, на најлош можен начин“.

„Одев во основно со Меган Фокс. Се возевме во истиот училишен автобус и обично беше молчалива. Повеќето машки се тепаа за кој да седне до неа, но таа беше многу срамежлива и скоро никогаш не зборуваше“.

Спирова С. | Црнобело